വിദേശരാജ്യങ്ങളില്‍ തൊഴില്‍സാധ്യത: നോര്‍ക്ക-കെല്‍ സൗജന്യ നൈപുണ്യ പരിശീലനത്തിന് അപേക്ഷിക്കാം

തിരുവനന്തപുരം: വിദേശരാജ്യങ്ങളിലെ തൊഴില്‍സാധ്യതകള്‍ പ്രയോജനപ്പെടുത്തുന്നതിന് ലക്ഷ്യമിട്ട് സംഘടിപ്പിക്കുന്ന സൗജന്യ ഹ്രസ്വകാല നൈപുണ്യ പരിശീലന പ്രോഗ്രാമിലെ (റസിഡന്‍ഷ്യല്‍) ഇലക്ട്രിക്കല്‍ മെയിന്റനന്‍സ് ടെക്‌നീഷ്യന്‍ (ട്രാന്‍സ്ഫോര്‍മര്‍, മോട്ടോര്‍,ആള്‍ട്ടര്‍നേറ്റര്‍, കണ്‍ട്രോള്‍ പാനല്‍ &വി.എഫ്.ഡി) കോഴ്സിലെ ഒഴിവുളള സീറ്റുകളിലേയ്‌ക്ക് ഇപ്പോള്‍ അപേക്ഷിക്കാം. നോര്‍ക്ക റൂട്ട്സൂം കേരള ഇലക്ട്രിക്കല്‍ ആന്റ് അലൈഡ് എഞ്ചിനീയറിംഗ് കമ്പനി ലിമിറ്റഡും (കെല്‍) സംയുക്തമായാണ് കോഴ്സ് സംഘടിപ്പിക്കുന്നത്. വയര്‍മാന്‍ ലൈസന്‍സ് ഉളളവര്‍ക്കോ ഡിപ്ലോമ/ഐടിഐ/ കെ.ജി.സി.ഇ വിദ്യാഭ്യാസ യോഗ്യതയും ഒരു വര്‍ഷത്തെ പ്രവൃത്തി പരിചയവുമുളളവര്‍ക്ക് www.norkaroots.kerala.gov.in സന്ദര്‍ശിച്ച് ഫെബ്രുവരി 25 നകം അപേക്ഷ നല്‍കാം. വയര്‍മാന്‍ ലൈസന്‍സ് ഉളളവര്‍ക്ക് പ്രവൃത്തി പരിചയം അനിവാര്യമല്ല.
ഷോര്‍ട്ട്ലിസ്റ്റ് ചെയ്യുന്ന അപേക്ഷകരില്‍ നിന്നും അഭിമുഖത്തിന്റെ അടിസ്ഥാനത്തിലാണ് തിരഞ്ഞെടുപ്പ്. കെല്ലിന്റെ എറണാകുളം തൃപ്പുണിത്തുറയിലുള്ള മാമല യൂണിറ്റിലാണ് പരിശീലനം. തിരഞ്ഞെടുക്കപ്പെടുന്നവര്‍ക്ക് കോഴ്സ് ഫീസ്, താമസം, ഭക്ഷണം എന്നിവയുടെ ചെലവുകള്‍ നോര്‍ക്ക റൂട്ട്സ് വഹിക്കും. കൂടുതല്‍ വിവരങ്ങള്‍ക്ക്: 0471 2770531, 539, 566. ടോള്‍ ഫ്രീ നമ്പര്‍: 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) .