ബെയ്ജിംഗ്: വന്ശക്തികള് തമ്മില് നേരിട്ട് എറ്റുമുട്ടുന്ന ഒരു മൂന്നാം ലോകമഹായുദ്ധത്തിന്റെ വക്കിലാണ് ലോകമെന്ന് പ്രതിരോധവിദഗ്ധനായ ജേണലിസ്റ്റ് പീറ്റര് ആപ്സ് പ്രവചിച്ചുകഴിഞ്ഞു. റഷ്യ-ഉക്രൈന് യുദ്ധം അവസാനിക്കാതെ തുടരുന്നതും റഷ്യയുടെയും ചൈനയുടെയും കൂട്ടാളികളെ യുഎസ്-യൂറോപ്യന് സഖ്യം ഒന്നൊന്നായി തീര്ക്കാന് ധൃതിപ്പെടുകയും ചെയ്യുന്നതോടെ ഒരു മൂന്നാം ലോകമഹായുദ്ധം അടത്തെത്തിക്കഴിഞ്ഞിരിക്കുന്നു. സിറിയ, ഗാസ, ലെബനോന്, വെനസ്വേല, ഇറാന് ….അങ്ങിനെ റഷ്യയുടെയും ചൈനയുടെയും കൂട്ടാളികളെ ഒന്നൊന്നായി അമേരിക്കയും സഖ്യശക്തികളും വീഴ്ത്തുന്നത് കൃത്യമായ ഗൂഢലക്ഷ്യത്തോടെയാണെന്ന് റഷ്യയും ചൈനയും മനസ്സിലാക്കിയിട്ടുണ്ട്. ഇതോടെ അടുത്ത യുഎസന്റെയും സഖ്യകക്ഷികളുടെയും നീക്കം റഷ്യയ്ക്കും ചൈനയ്ക്കും എതിരെയാണെന്ന് തിരിച്ചറിഞ്ഞിരിക്കുകയാണ് പുടിനും ഷീ ജിന്പിങ്ങും.
ഈ പശ്ചാത്തലത്തില് ചൈന ആയുധപരീക്ഷണങ്ങള് ത്വരിതപ്പെടുത്തിയിരിക്കുകയാണ്. ഈയിടെ ചൈന ഭൂഖണ്ഡാന്തര ബാലിസ്റ്റിക് മിസൈലായ ഡിഎഫ്-5ബി പുറത്തിറക്കിയിരുന്നു. ഡിഎഫ് എന്നതിന്റെ മുഴുവന് നാമം ഡോങ്ഫെംഗ് എന്നാണ്. കിഴക്കന് കാറ്റ് എന്നാണര്ത്ഥം. ആണവ പോര്മുനകള് ഉള്ള ഒരു ഭൂഖണ്ഡാന്തര മിസൈലാണ്. ഡോങ്ങ്ഫെംഗ്.
ഈ മിസൈല് ഒരു ഹൈപ്പര്സോണിക് മിസൈലാണ്. മാക് എട്ടാണ് വേഗത. അതായത് ശബ്ദത്തേക്കാള് എട്ട് മടങ്ങാണ് വേഗത. നിരവധി ആണവപോര്മുനകള് ഈ മിസൈലില് ഘടിപ്പിക്കാന് സാധിക്കും. 12000 കിലോമീറ്റര് വരെ ദൂരത്തിലേക്ക് പാഞ്ഞുചെന്ന് ഉഗ്രസ്ഫോടനമുണ്ടാക്കാന് ഡോങ്ഫെംഗ് 5ബിയ്ക്ക് സാധിക്കും. മൂന്ന് മുതല് നാല് വരെ മെഗാടണ് ആണ് ഇതിന്റെ ഭാരം. ജപ്പാനില് പണ്ട് അമേരിക്ക ഇട്ട ആണവബോംബിനേക്കാള് 200 മടങ്ങാണ് ഇതിന്റ ശക്തി. ചൈനയുടെ സേനയായ പീപ്പിള്സ് ലിബറേഷന് ആര്മിയിലെ റോക്കറ്റ് ഫോഴ്സിനാണ് ഡോങ്ഫെംഗിന്റെ ചുമതല.
അമേരിക്കിയിലെ ന്യൂയോര്ക്ക് നഗരത്തിലേക്ക് ഈ മിസൈല് പാഞ്ഞെത്താന് ഒരു മണിക്കൂര് മതി.
ഡോങ്ഫെംഗ് 5സി കൂടുതല് ശക്തി, കൂടുതല് വേഗം
ഡോങ്ഫെംഗ് 5ബിയേക്കാള് കൂടുതല് ശക്തിയുള്ളതാണ് ഡോംങ്ഫെംഗ് 5സി. ഈ ഭൂഖണ്ഡാന്തര ആണവ മിസൈലിന് ശബ്ദത്തേക്കാള് 22 മടങ്ങ് വരെ വേഗതയില് കുതിക്കാന് സാധിക്കും.. ന്യൂയോര്ക്ക് നഗരത്തില് ഈ ആണവ മിസൈല് എത്താന് 25 മിനിറ്റേ വേണ്ടൂ.
