ന്യൂദല്ഹി: ഇന്ത്യ-ഇയു കരാര് തുര്ക്കിക്ക് മരണവാറണ്ടാകുമെന്ന് വിലയിരുത്തല്. പാകിസ്ഥാന്റെ വലിയ അണ്ണന് ഭാവിച്ച് വന്ന തുര്ക്കിയെ ഇന്ത്യ ഈ കരാറിലൂടെ സമര്ത്ഥമായി അടിച്ചിടുകയാണ് ചെയ്യുന്നത്.
ഈ കരാറിന്റെ ഫലമായി ഇന്ത്യയുടെ സാധനങ്ങള് നികുതിയില്ലാതെ തുര്ക്കിയുടെ വിപണിയില് ഒഴുകിയെത്തുമെന്നാണ് പുറത്തുവരുന്ന സൂചനകള്. കസ്റ്റംസ് യൂണിയന് എന്ന പഴയ ഉടമ്പടി തുര്ക്കിക്ക് യൂറോപ്യന് യൂണിയന് രാജ്യങ്ങളുമായി ഉണ്ട്. ഇതനുസരിച്ച് നികുതിയില്ലാതെ യൂറോപ്പിലേക്ക് വരുന്ന ചരക്കുകള് തുര്ക്കിയിലേക്കും എത്തണം. ഇതിന് തടയിടാന് തുര്ക്കിയ്ക്ക് ആവില്ല.
ഇന്ത്യയും യൂറോപ്യന് യൂണിയനും തമ്മിലുണ്ടാക്കിയ കരാര് അനുസരിച്ച് ഇന്ത്യയില് നിന്നും യൂറോപ്യന് യൂണിയനിലേക്ക് ഒഴുകുന്ന തുണി, വസ്ത്രങ്ങള്, തുകല് ഉല്പന്നങ്ങള്, പാദരക്ഷകള്, സമുദ്രോല്പന്നങ്ങള്, രത്നങ്ങളും ആഭരണങ്ങളും സംസ്കരിച്ച ഭക്ഷ്യോല്പന്നങ്ങള്, കെമിക്കല് എന്നിവ ഉള്പ്പെടെയുള്ള പല ചരക്കുകള്ക്കും പൂജ്യം നികുതിയാണ്. ഇന്ത്യയുടെ ഇത്രയും ഉല്പന്നങ്ങള് തുര്ക്കി വിപണിയിലേക്കും കയറിവരും. ഇത് തുര്ക്കിയുടെ പല ഉല്പന്നങ്ങള്ക്കും തിരിച്ചടിയാകും. തുര്ക്കിയുടെ പ്രധാന വ്യവസായമാണ് തുണി ഉല്പാദനം. ഇന്ത്യയില് നിന്നും വിലക്കുറവില് എത്തുന്ന തുണി ഉല്പന്നങ്ങള് എത്തുന്നതോട് തുര്ക്കിയുടെ തുണിവ്യവസായം പൂര്ണ്ണമായും തകരുമെന്നാണ് കണക്കുകൂട്ടുന്നത്.
