കൊച്ചി: മെട്രോ ട്രെയിന് സര്വീസ് രാത്രി 11 മണിവരെ ദീര്ഘിപ്പിച്ചു.ഈ മാസം 15 ഞായറാഴ്ച മുതല് പുതുക്കിയ സമയക്രമം നിലവില് വരും. ഇത് പ്രകാരം ആലുവ, തൃപ്പൂണിത്തുറ എന്നീ ടെര്മിനല് സ്റ്റേഷനുകളില് നിന്ന് അവസാന സര്വീസ് രാത്രി 11:00 മണിക്ക് പുറപ്പെടും.
യാത്രക്കാരുടെ എണ്ണത്തില് സ്ഥിരമായ വര്ധനവും ഉയര്ന്നുവരുന്ന യാത്രാ ആവശ്യവും പരിഗണിച്ചാണ് മാറ്റം. ആലുവ മഹാദേവ ക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച് പ്രത്യേക സര്വീസുകളും നടത്തും.
പ്രത്യേക സര്വീസുകള്
ഫെബ്രുവരി 15 (ഞായര് ശിവരാത്രി): തൃപ്പൂണിത്തുറ ടെര്മിനലില് നിന്ന് അവസാന സര്വീസ് രാത്രി 11:30 ന് പുറപ്പെടും. ഫെബ്രുവരി 16 (തിങ്കള്): ആലുവ മെട്രോ സ്റ്റേഷനില് നിന്ന് പുലര്ച്ചെ 4:00 മണിക്ക് സര്വീസ് ആരംഭിക്കും. രാവിലെ 6:00 മണിവരെ 30 മിനിറ്റ് ഇടവേളയില് സര്വീസ് ഉണ്ടാകും. തുടര്ന്ന് ട്രെയിനുകള് പതിവ് ടൈംടേബിള് പ്രകാരം സര്വീസ് നടത്തും.
