തിരുവനന്തപുരം: ഗുണ്ടാത്തലവന് പുത്തന്പാലം രാജേഷിന് പൊലീസ് സ്റ്റേഷനില് ഫോണ് ഉപയോഗിക്കാന് അവസരമൊരുക്കിയ സംഭവത്തില് അന്വേഷണത്തിന് സിറ്റി പൊലീസ് കമ്മീഷണറുടെ നിര്ദ്ദേശം.അയല്വാസിയെ വധിക്കാന് ശ്രമിച്ച കേസിലാണ് ഇയാളെ അറസ്റ്റ് ചെയ്തത്.
നിസാര വകുപ്പുകള് ചുമത്തിയാണ് ആദ്യം പേട്ട പൊലീസ് കേസെടുത്തത്.എന്നാല് സിറ്റി പൊലീസ് കമ്മീഷണര് കാര്ത്തികിന്റെ നിര്ദ്ദേശപ്രകാരമാണ് ഗൗരവമായ വകുപ്പുകള് ചുമത്തിയത്.
പേട്ട സ്റ്റേഷനിലെത്തിച്ച പുത്തന് പാലം രാജേഷിന് ഫോണ് ഉപയോഗിക്കാന് അനുവാദം നല്കിയത് ജി ഡി ചാര്ജ് ഉളള ഉദ്യോഗസ്ഥനാണെന്നാണ് അറിയുന്നത്. സ്പെഷ്യല് ബ്രാഞ്ചാണ് സിറ്റി പൊലീസ് കമ്മീഷണര്ക്ക് ഇക്കാര്യം റിപ്പോര്ട്ട് ചെയ്തത്.
കോടതിയില് ഹാജരാക്കിയ പുത്തന്പാലം രാജേഷിനെ റിമാന്ഡ് ചെയ്തു.
