കോഴിക്കോട്: കോഴിക്കോട് സ്വദേശി ദീപക് ആത്മഹത്യ ചെയ്ത കേസില് ഷിംജിത മുസ്തഫയ്ക്ക് ഫോറന്സിക് പരിശോധന ഫലം വരുന്നത് വരെ ജാമ്യം അനുവദിക്കരുതെന്ന് പ്രോസിക്യൂഷന്. ജാമ്യാപേക്ഷയില് കോഴിക്കോട് പ്രിന്സിപ്പല് സെഷന്സ് കോടതി ബുധനാഴ്ച വിധി പറയാനിരിക്കെയാണ് പ്രോസിക്യൂഷന് ഈ ആവശ്യം ഉന്നയിച്ചത്. ഷിംജിതയുടെ ലാപ്പ്ടോപ്പ്, ഫോണ് എന്നിവയുടെ ഫോറന്സിക് പരിശോധന ഫലം വരാനുണ്ട്.
മജിസ്ട്രേറ്റ് കോടതി ജാമ്യാപേക്ഷ തള്ളിയതിനെത്തുടര്ന്നാണ് ഷിംജിത കോഴിക്കോട് പ്രിന്സിപ്പല് സെഷന്സ് കോടതിയെ സമീപിച്ചത്. പല കാരണങ്ങളാല് വിധി പറയുന്നത് പലവട്ടം നീണ്ടു. ഷിംജിത 21 ദിവസമായി ജയിലിലാണ്.
ദീപക് ആത്മഹത്യ ചെയ്ത സംഭവത്തില് രക്ഷിതാക്കളുടെ പരാതിയിലാണ് ഷിംജിതയെ ആത്മഹത്യ പ്രേരണകുറ്റം ചുമത്തി അറസ്റ്റ് ചെയ്തത്.
