സൂര്യപേട്ട് : തെലങ്കാനയിലെ പതഞ്ജലി ഫുഡ്സിന്റെ ഫാക്ടറി സോണ് റദ്ദാക്കിയതിനെതിരെ സുപ്രീം കോടതി നോട്ടീസ് അയച്ചു. ഫാക്ടറി സോണ് റദ്ദാക്കിയത് ശരിവച്ച സിംഗിള് ജഡ്ജി ഉത്തരവ് സ്റ്റേ ചെയ്യാന് തെലങ്കാന ഹൈക്കോടതി ഡിവിഷന് ബെഞ്ച് വിസമ്മതിച്ചതിനെതിരെയാണ് പതഞ്ജലി ഫുഡ്സ് ഹര്ജി സമര്പ്പിച്ചത്. തല്സ്ഥിതി നിലനിര്ത്താന് നിര്ദേശിച്ച കോടതി, നാല് ആഴ്ചയ്ക്കുള്ളില് മറുപടി നല്കാന് നിര്ദേശിച്ചു.
നാഷണല് മിഷന് ഓഫ് എഡിബിള് ഓയില്സ് – ഓയില് പാം പദ്ധതി പ്രകാരം പതഞ്ജലി ഫുഡ്സിന് നല്ഗൊണ്ട, സൂര്യപേട്ട് ജില്ലകളിലെ സ്ഥലങ്ങള് അനുവദിച്ചിരുന്നു. സൂര്യപേട്ട് ഫാക്ടറി സോണിന്റെ അലോട്ട്മെന്റ് റദ്ദാക്കിക്കൊണ്ട് തെലങ്കാന സര്ക്കാര് പുറപ്പെടുവിച്ച 2025 മാര്ച്ച് 15 ലെ സര്ക്കാര് ഉത്തരവുമായി ബന്ധപ്പെട്ടാണ് തര്ക്കം. റദ്ദാക്കിയ ഫാക്ടറി സോണ് മറ്റൊരു കമ്പനിക്ക് അനുവദിക്കുകയും ചെയ്തിരുന്നു.
