ന്യൂദല്ഹി: വോട്ടര്പട്ടികയുണ്ടാക്കാനുള്ള എസ് ഐആറിന് തടസ്സം നില്ക്കരുതെന്ന് ബംഗാള് മുഖ്യമന്ത്രി മമത ബാനര്ജിയ്ക്ക് താക്കീത് നല്കി സുപ്രീംകോടതി. ചീഫ് ജസ്റ്റിസ് സൂര്യകാന്താണ് ഇത് സംബന്ധിച്ച വിധി പുറപ്പെടുവിച്ചത്. ഇതോടെ ബംഗാളിലെ എസ് ഐ ആര് നടപടികള് നിര്ത്തിവെയ്പിക്കാനുള്ള മമത ബാനര്ജിയുടെ അവസാനശ്രമത്തിനും തിരിച്ചടിയേറ്റൂ.
അഭിഭാഷകക്കുപ്പായം അണിഞ്ഞ് സുപ്രീംകോടതിയില് നേരിട്ടെത്തി വാദിച്ചിട്ടും മമതയ്ക്ക് രക്ഷയില്ല
എസ് ഐആര് നടപടികള് നിര്ത്തിവെയ്ക്കണമെന്ന് സുപ്രീംകോടതിയില് നേരിട്ട് ഹാജരായി മമത നടത്തിയ വാദമുഖങ്ങള് കോടതി മുഖവിലയ്ക്കെടുത്തില്ല. എല്എല്ബി പാസായിട്ടുള്ള മമത ബാനര്ജി തന്നെ അഭിഭാഷകക്കുപ്പായം അണിഞ്ഞ് എസ് ഐ ആറിനെതിരെ വാദിക്കാന് സുപ്രീംകോടതിയില് എത്തിയത് ബിജെപി വിരുദ്ധ മാധ്യമങ്ങള് വലിയ വാര്ത്തയാക്കിയിരുന്നു. പക്ഷെ സുപ്രീംകോടതില് പത്ത് മിനിറ്റ് സംസാരിച്ച മമതയോട് നിങ്ങളേക്കാള് നന്നായി നിങ്ങള് നിയമിച്ച് അഭിഭാഷകന് വാദിക്കുന്നുണ്ടെന്ന് സുപ്രീംകോടതി നിര്ദേശിച്ചത് മമതയ്ക്ക് നാണക്കേടായി.
എസ് ഐആര് പൂര്ത്തിയാക്കാനുള്ള കാലാവധി കോടതി ഒരാഴ്ച കൂടി നീട്ടി. അതേ സമയം, എസ് ഐആര് നടത്തുമ്പോള് യഥാര്ത്ഥത്തില് എന്തെങ്കിലും പ്രശ്നങ്ങള് ഉണ്ടെങ്കില് അത് പരിഹരിക്കാന് വേണ്ട സഹായം ചെയ്യാന് തയ്യാറാണെന്നും സുപ്രീംകോടതി പറഞ്ഞു.
എസ് ഐ ആര് നടത്തുന്നതിനുള്ള ഏത് തടസ്സങ്ങളും നീക്കാന് തയ്യാറാണെന്ന് ചീഫ് ജസ്റ്റിസ് സൂര്യകാന്ത് പറഞ്ഞു. അതേ സമയം എസ് ഐ ആറിന് തടസ്സം നില്ക്കാന് അനുവദിക്കുകയുമില്ല. – നയം വ്യക്തമാക്കി സൂര്യകാന്ത് പറഞ്ഞു.
