6, 15, 24 എന്നീ തീയതികളിൽ ജനിച്ചവരെല്ലാം ജന്മസംഖ്യ 6 ന്റെ ഉടമകളാണ്. നിങ്ങളുടെ ജനനത്തീയതിയിലെ അക്കങ്ങളുടെ തുക ആറാണെങ്കിൽ ജന്മസംഖ്യ ആറ് ആണ്. വളരെയധികം പണമുണ്ടാക്കുക എന്നത് ഇവരുടെ ലക്ഷ്യമല്ല. എന്നാൽ പല വഴിക്കും ഇവരുടെ കൈവശം പണം എത്തും.
മറ്റെന്തിനെക്കാളുമധികം സ്വന്തം വീടിനെയും മക്കളെയും സ്നേഹിക്കുന്നവരായിരിക്കും ഈ നമ്പറിൽ പെടുന്ന പുരുഷന്മാർ. ഈ വിഭാഗത്തിൽ പെടുന്ന സ്ത്രീകൾ മാതൃകാപരമായ ജീവിതം നയിക്കുന്നവരായിരിക്കും. പ്രതിസന്ധിഘട്ടങ്ങളിൽ ഭർത്താവിനും മക്കൾക്കും ആത്മവിശ്വാസം പകരുന്ന വ്യക്തികളായിരിക്കും.
ചിത്രകല ആസ്വദിക്കുന്നവരും ചിത്രങ്ങളാൽ വീട് അലങ്കരിക്കാൻ താൽപര്യം പുലർത്തുന്നവരുമാണ്. സൗഹാർദവും സമാധാനവും ആഗ്രഹിക്കുന്നവരാണ്. ഇവരെ ഏതു കാര്യത്തിലും വിശ്വസിക്കാം. സ്നേഹം, സഹതാപം തുടങ്ങിയ ഉത്തമ ഭാവങ്ങൾ ഇവരിൽ കൂടുതലായിരിക്കും.
സാമ്പത്തിക കാര്യങ്ങളിൽ പൊതുവെ ഭാഗ്യവാന്മാരായിരിക്കും ഈ വിഭാഗക്കാർ. പ്രതിസന്ധി ഘട്ടങ്ങളിൽ ഉറ്റവരുടെ സഹായസഹകരണങ്ങൾ വേണ്ടുവോളം ലഭിക്കും.
