ഹൈദരാബാദ്: തന്റെ എല്ലാ സിനിമകള്ക്കും ആധാരം രാമായണവും ശ്രീരാമനുമാണെന്ന് ബാഹുബലിയുടെ സംവിധായകന് എസ്. എസ് രാജമൗലി. തന്റെ പുതിയ സിനിമയായ ‘വാരണാസി’യും രാമായണവും തമ്മിലുള്ള ബന്ധത്തെക്കുറിച്ച് രാജമൗലി പറഞ്ഞു
‘വാരണാസി’യിലും രാമായണത്തിലെ ഒരു സംഭവം നേരിട്ട് ഉള്പ്പെടുത്തിയിട്ടുണ്ടെന്നും അത് ഈ സിനിമയിലെ പ്രധാനഭാഗമായിരിക്കുമെന്നും രാജമൗലി പറഞ്ഞു. രാമായണത്തെക്കുറിച്ച് കൂടുതല് അറിയാത്ത പ്രേക്ഷകര്ക്കും ആസ്വദിക്കാവുന്ന രീതിയിലാണ് വാരണാസി ഒരുക്കിയിരിക്കുന്നതെന്നും രാജമൗലി പറഞ്ഞു. അച്ഛനും മകനും തമ്മിലുള്ള വൈകാരിക ബന്ധം എല്ലാവര്ക്കും എളുപ്പത്തില് മനസ്സിലാകുന്ന രീതിയില് വാരണാസിയില് അവതരിപ്പിച്ചിട്ടുണ്ടെന്നും രാജമൗലി.
മഹേഷ് ബാബു, പ്രിയങ്ക ചോപ്ര, പൃഥ്വിരാജ് എന്നിവര് പ്രധാന റോളില് വാരണാസിയില് എത്തുന്നു. മഹേഷ് ബാബു ഡബിള് റോളില് ആണ് പ്രത്യക്ഷപ്പെടുന്നത്. 1300 കോടി രൂപ ചെലവിലാണ് ഈ സിനിമ നിര്മ്മിച്ചിരിക്കുന്നത്. ഹൈദരാബാദിലെ റാമോജി സിറ്റിയില് 50 കോടി രൂപയ്ക്കാണ് സെറ്റ് ഒരുക്കിയിരിക്കുന്നത്.
2027 ഏപ്രില് മാസത്തിലാണ് ചിത്രം തിയറ്ററുകളില് എത്തുക.
