അങ്കമാലി:കേരളത്തിലെ പ്രവര്ത്തകരുടെ ആത്മാര്ത്ഥയേയും അര്പ്പണ മനോഭാവത്തേയും നമിക്കുകയാണെന്ന് ബിജെപി ദേശീയാദ്ധ്യക്ഷൻ നിതിൻ നബിൻ പറഞ്ഞു. എറണാകുളം, ആലപ്പുഴ ജില്ലകളിലെ ബൂത്ത് പ്രസിഡന്റുമാരുടെ സമ്മേളനത്തിൽ സംസാരിക്കുകയായിരുന്നു ദേശീയ അധ്യക്ഷൻ.
കേരളത്തിലെ പ്രവര്ത്തകരുടെ പോരാട്ടം കാണുമ്പോള് ഓര്മ്മവരുന്നത് രാഷ്ട്രീയ പ്രവര്ത്തനം നൂറ് മീറ്റര് ഓട്ടമല്ല ദീര്ഘമായി മാരത്തോണ് ആണെന്ന് വാക്യമാണ്. മറ്റ് സ്ഥലങ്ങളിലേ പ്രവര്ത്തകരോട് ഞങ്ങള് പറയാറുള്ളത് കേരളത്തിലെ പ്രവര്ത്തകരെ മാതൃകയാക്കാണ്. വരാന് പോകുന്ന തെരഞ്ഞെടുപ്പ് കേരളത്തില് മാറ്റം കൊണ്ടുവരുന്ന തെരഞ്ഞെടുപ്പാണ്. തിരുവനന്തപുരത്ത് നീണ്ടകാലത്തെ ഇടതുഭരണം അവസാനിപ്പിച്ച് ഭരണം പിടിക്കാന് ബിജെപിയുടെ പ്രവര്ത്തകര്ക്കായി. കേരളത്തിലും ബിജെപി അധികാരത്തില് വരുന്ന കാലം വിദൂരമല്ല. രാജ്യത്തെ മറ്റ് സംസ്ഥാനങ്ങളിലെപ്പോലെ കേരളത്തിലും ബിജെപി സര്ക്കാര് അധികാരത്തില് വരും. നരേന്ദ്രമോദി സര്ക്കാരിന്റെ പദ്ധതികള് ഓരോ ഗ്രാമങ്ങളിലും എത്തിക്കാന് നിങ്ങള്ക്ക് കഴിയണം. കേരളത്തെയും നമ്മുക്ക് ഒരു വികസിത സംസ്ഥനമാക്കി മാറ്റാം, നിതിൻ നബിൻ കൂട്ടിച്ചേർത്തു. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, ദേശീയ ജനറൽ സെക്രട്ടറി വിനോദ് താവഡെ, തെരഞ്ഞെടുപ്പ് സഹ പ്രഭാരി ശോഭ കരന്തലജെ, കേരളാ പ്രഭാരി പ്രകാശ് ജാവദേക്കർ, കേന്ദ്രമന്ത്രി ജോർജ് കുര്യൻ തുടങ്ങിയവർ സംസാരിച്ചു.
