ന്യൂദല്ഹി: ബിഎന്എസ്എസ് സെക്ഷന് 35(3) പ്രകാരമുള്ള നോട്ടീസ് നല്കണമെന്ന നിര്ബന്ധിത നിബന്ധന പാലിച്ചില്ലെങ്കില്, 7 വര്ഷത്തില് താഴെ തടവ് ശിക്ഷ ലഭിക്കാവുന്ന കുറ്റകൃത്യങ്ങള്ക്ക് അറസ്റ്റ് ചെയ്യാന് കഴിയില്ലെന്ന് സുപ്രീം കോടതി വ്യക്തമാക്കി.
ബിഎന്എസ്എസിന്റെ 35-ാം വകുപ്പില് വാറണ്ട് ഇല്ലാതെ തന്നെ ഒരു വ്യക്തിയെ പോലീസ് ഉദ്യോഗസ്ഥന് അറസ്റ്റ് ചെയ്യാന് കഴിയുന്ന സാഹചര്യങ്ങള് വിവരിക്കുന്നുണ്ട്. ബിഎന്എസ്എസ് സെക്ഷന് 35(1)(b)(i) പ്രകാരം പ്രതി ഒരു കുറ്റകൃത്യം ചെയ്തുവെന്ന് വിശ്വസിക്കാന് പോലീസ് ഉദ്യോഗസ്ഥന് ഒരു കാരണം ലഭിക്കുകയും, കൂടുതല് കുറ്റകൃത്യങ്ങള് ചെയ്യുന്നത് തടയുക, ശരിയായ അന്വേഷണം സാധ്യമാക്കുക, തെളിവുകള് നശിപ്പിക്കുന്നത് തടയുക, സാക്ഷികളെ സംരക്ഷിക്കുക, അല്ലെങ്കില് കോടതിയില് പ്രതിയുടെ സാന്നിധ്യം ഉറപ്പാക്കുക തുടങ്ങിയ ഒരു പ്രത്യേക ഉദ്ദേശ്യത്തിനെങ്കിലും സെക്ഷന് 35(1)(b)(ii) പ്രകാരം കസ്റ്റഡി ആവശ്യമാണെന്ന് സ്വയം ബോധ്യപ്പെടുകയും ചെയ്താല് മാത്രമേ അറസ്റ്റ് ചെയ്യാന് കഴിയൂ എന്ന് ജസ്റ്റിസുമാരായ എംഎം സുന്ദരേഷ്, എന് കോടീശ്വര് സിംഗ് എന്നിവരടങ്ങിയ ബെഞ്ച് പറഞ്ഞു.
