കണ്ണൂര്:രക്തസാക്ഷി ഫണ്ട് തട്ടിപ്പില് കൂടുതല് വെളിപ്പെടുത്തലുകള് നടത്തി സി പി എം മുന് ജില്ലാ കമ്മിറ്റി അംഗം വി കുഞ്ഞികൃഷ്ണന്. രക്തസാക്ഷി ഫണ്ട് കെ പി മധു കട്ടു. പറ്റുമെങ്കില് തനിക്ക് എതിരെ കേസ് കൊടുക്കട്ടെയെന്നും കുഞ്ഞികൃഷ്ണന് പറഞ്ഞു.
ധന്രാജ് രക്തസാക്ഷി ഫണ്ടില് നിന്ന് കെട്ടിട ഫണ്ടിലേക്ക് പണം വകമാറ്റി. അത് ഏരിയ കമ്മിറ്റിയില് ചര്ച്ച ചെയ്തില്ല. ഓഡിറ്റ് നടത്തിയ താന് ഞെട്ടിയെന്ന് പറഞ്ഞ കുഞ്ഞികൃഷ്ണന് ഇത്തരം കണക്കുകള് അംഗീകരിക്കാന് വേണ്ടിയാണ് കെ പി മധുവിനെ ഏരിയ സെക്രട്ടറി ആക്കിയതെന്നും ചൂണ്ടിക്കാട്ടി. ടി ഐ മധുസൂദനന് പരസ്യ സംവാദത്തിന് തയാറാകണം. കാര്യങ്ങള് പറയാന് തനിക്ക് ഒരു രേഖയും വേണ്ടന്നും മന:പാഠമാണെന്നും അദ്ദേഹം പറഞ്ഞു.നിങ്ങള് നിശ്ചയിക്കുന്ന വേദിയില് സംവാദത്തിന് വന്നുകൊള്ളാമെന്നും കുഞ്ഞികൃഷ്ണന് പറഞ്ഞു. 28 റസീത് മുറിച്ചിട്ട് 8 എണ്ണത്തിന്റെ പണം മധുസൂദനന് പാര്ട്ടിക്ക് നല്കിയിട്ടില്ല.പാര്ട്ടിയിലെ രക്തസാക്ഷി ഫണ്ട് തട്ടിയെടുക്കാന് ശ്രമിച്ചവര്ക്കെതിരെ പാര്ട്ടി നടപടി എടുക്കുന്നതിന് പകരം സംരക്ഷകരായി മാറുകയായിരുന്നു.
പാര്ട്ടിക്കകത്ത് പാടില്ലാത്ത ഒരുപാട് കാര്യങ്ങള് നടക്കുന്നു.അത് തിരുത്താതെ മുന്നോട്ട് പോകാനാകില്ലെന്നും കുഞ്ഞികൃഷ്ണന് വ്യക്തമാക്കി.ആ ബോധ്യത്തിലാണ് ഈ പോരാട്ടം.
സികെപി പത്മനാഭന് എതിരായ നടപടിയില് ജാഗ്രത കുറവ് ഉണ്ടായി എന്നാണ് പാര്ട്ടി പറഞ്ഞത്. തൃപ്തികരമായ മറുപടി അല്ല പാര്ട്ടി നല്കിയത്. സികെപിക്ക് ഉള്ളില് അതൃപ്തി ഉണ്ടായിരുന്നു. പയ്യന്നൂര് നഗരസഭയില് സി വൈശാഖ് വിമതന് ആയി മത്സരിച്ചത് നമുക്ക് മുന്നില് ഒരനുഭവം ആണ്. പാര്ട്ടിക്കുള്ളിലെ അതൃപ്തിയാണ് വൈശാഖിന്റെ വിജയത്തിന് കാരണം.
