തിരുവനന്തപുരം: അദ്ധ്യാപകര് കുട്ടികളില് ഭയം നിറയ്ക്കരുതെന്ന് ബാലാവകാശ കമ്മിഷന് ചെയര്പേഴ്സണ് കെ.വി. മനോജ്കുമാര് നിര്ദേശിച്ചു. ഭയമുണ്ടെങ്കില് സ്വതന്ത്രമായി വളരാന് സാധിക്കില്ല. കുട്ടികളില് നിരീക്ഷണ പാടവും ആത്മാഭിമാനവും വളര്ത്തണം. ക്ലാസ്റൂമുകള് നല്ല സംവാദങ്ങളുടെയും ചിന്തകളുടെയും സന്തോഷത്തിന്റെയും ഇടങ്ങളാകണമെന്നും ബാലസംരക്ഷണ നിയമങ്ങളെക്കുറിച്ച് തിരുവനന്തപുരത്ത് സംഘടിപ്പിച്ച ത്രിദിന കോണ്ക്ലേവ് ഉദ്ഘാടനം ചെയ്യവെ മനോജ്കുമാര് പറഞ്ഞു.
കുട്ടികള്ക്കു നേരെ ഉണ്ടാകുന്ന അതിക്രമങ്ങള്ക്കെതിരെ പ്രതിഷേധിക്കാനും പ്രതിരോധിക്കാനും കഴിവുള്ള സമൂഹത്തെ വാര്ത്തെടുക്കണം. വിവേകപൂര്വ്വം പ്രവര്ത്തിക്കുന്ന ഒരു സമൂഹമായി കേരളീയ ജനത മാറേണ്ടത് അനിവാര്യമാണ്. കുട്ടികള്ക്ക് ചെറു പ്രായത്തില്തന്നെ പഞ്ചശുദ്ധികള് പറഞ്ഞു കൊടുക്കണം. നിരവധി പ്രശ്നങ്ങള് ഉള്ള കട്ടികളാണ് സ്കൂളുകളില് എത്തുന്നത്. അവരെ രൂപപ്പെടുത്തുന്നതില് അധ്യാപകര്ക്ക് പ്രധാന പങ്കുണ്ടെന്നും അദ്ദേഹം പറഞ്ഞു.
