ന്യൂദല്ഹി: ട്രംപിന് വഴങ്ങാതെ നിന്നതുകൊണ്ടാണ് ട്രംപ് ഇന്ത്യയുടെ മേല് ഉയര്ന്ന താരിഫ് അടിച്ചേല്പ്പിച്ചതെന്നും മോദിയുടെ അഹങ്കാരം ഇന്ത്യയെ സാമ്പത്തികമായി തകര്ക്കുകയാണെന്നും പറഞ്ഞ നേതാവാണ് കോണ്ഗ്രസിന്റെ ജയറാം രമേശ്. ഇപ്പോള് കഴിഞ്ഞ ദിവസം ഇന്ത്യയുടെ താരിഫ് 50 ശതമാനത്തില് നിന്നും 18 ശതമാനമായി കുറച്ചു എന്ന് ട്രംപിന്റെ പ്രഖ്യാപനം വന്നതോടെ മോദി ട്രംപിന് മുന്നില് കീഴടങ്ങി എന്ന പുതിയ വിമര്ശനവുമായി വന്നിരിക്കുകയാണ് ജയറാം രമേശ്.
ഇന്ത്യ റഷ്യയുടെ കയ്യില് നിന്നും എണ്ണ വാങ്ങുന്നതിനാല് 25 ശതമാനം പിഴത്തീരുവ ഉണ്ടായിരുന്നു. അത് എടുത്തു കളഞ്ഞു. നേരത്തെ ചുമത്തിയിരുന്ന 25 ശമതാനം 18 ശതമാനമായി കുറയ്ക്കുകയും ചെയ്തു. ഇത് നയതന്ത്രം (ഡിപ്ലോമസി) അല്ലെന്നും ഹുഗ്ലോമസിയാണെന്നുമാണ് ഇപ്പോള് ജയറാം രമേശിന്റെ കുറ്റപ്പെടുത്തല്. വാസ്തവത്തില് അമേരിക്കിയില് നിന്നും മികച്ച വ്യാപാരത്തീരുവ നേടിയെടുത്തതോടെ ഇന്ത്യ ഇനി വ്യാപാര രംഗത്ത് കുതിച്ചുചാട്ടത്തിനൊരുങ്ങുകയാണ്. പ്രതിപക്ഷത്തിന് ഇനി മിണ്ടാന് പോലും പറ്റാത്ത വിധം മോദി ജയിച്ചുകയറുകയാണ്. അപ്പോള് മോദിയുടെ ശോഭ കെടുത്താനാണ് ഈ ഇല്ലാത്ത വിമര്ശനം.
ദല്ഹിയിലേക്ക് കൂടുതല് കാര്ഷികോല്പന്നങ്ങള് അയയ്ക്കുമെന്ന ട്രംപിന്റെ വാചകത്തിലാണ് ജയറാം രമേശ് കയറിപ്പിടിച്ചിരിക്കുന്നത്. ഇനി കര്ഷകസമരം എന്ന പേരില് ഹരിയാനയിലെ ധനിക കര്ഷകരെയും ഖലിസ്ഥാനികളെയും ഇടത് ജിഹാദികളെയും ദല്ഹിയില് തമ്പടിപ്പിക്കാനായിരിക്കും നീക്കം.
