ബംഗളുരു :ഡോ സി ജെ റോയി സ്വയം നിറയൊഴിച്ച് മരിച്ച വെള്ളിയാഴ്ച സ്ഥാപനത്തില് ആദായ നികുതി വകുപ്പിന്റെ റെയ്ഡ് നടന്നെന്ന കോണ്ഫിഡന്റ് ഗ്രൂപ്പ് ജീവനക്കാരുടെ വാദം പ്രത്യേക അന്വേഷണ സംഘം തള്ളി. ഐടി റെയ്ഡ് വെള്ളിയാഴ്ച നടന്നിട്ടില്ല. ഉദ്യോഗസ്ഥരുമായി തര്ക്കമുണ്ടായിട്ടില്ലെന്നും പൊലീസ് പറഞ്ഞു.
കേരളത്തില് നിന്നുള്ള ആദായ നികുതി വകുപ്പ് ഉദ്യോഗസ്ഥരെ ചോദ്യം ചെയ്തു. ഒരു മണിക്കൂറോളം ആദായ നികുതി വകുപ്പ് ഡോ.സി ജെ റോയിയെ ചോദ്യം ചെയ്തുവെന്നാണ് ജീവനക്കാരുടെ മൊഴി. എന്നാല് പൊലീസ് ഇതിനോട് യോജിച്ചില്ല.
പ്രത്യേക അന്വേഷണ സംഘം കഴിഞ്ഞ ദിവസം കോണ്ഫിഡന്റ് ഗ്രൂപ്പ് കോര്പ്പറേറ്റ് ഓഫീസിലെത്തി സിസിടിവി ദൃശ്യങ്ങള് ഉള്പ്പെടെ പരിശോധിച്ചിരുന്നു.ഇതിന് ശേഷമാണ് പ്രാഥമിക റിപ്പോര്ട്ട് തയാറാക്കിയത്. അതേസമയം,മാധ്യമങ്ങളെ കാണുമെന്ന് കോണ്ഫിഡന്റ് ഗ്രൂപ്പ് പ്രതിനിധികള് അറിയിച്ചു. കൊച്ചിയില് മറ്റന്നാള് വൈകിട്ട് നാല് മണിയ്ക്ക് വാര്ത്താ സമ്മേളനം നടത്തും.
