ബെംഗളൂരു: പള്ളി കുഴിച്ചാല് അമ്പലം…അമ്പലം കുഴിച്ചാല് ബുദ്ധന്…നിങ്ങള് എത്ര കാലം ഇങ്ങിനെ കുഴിച്ചുകൊണ്ടിരിക്കും എന്ന നടന് പ്രകാശ് രാജിന്റെ പ്രസ്താവനയ്ക്കെതിരെ സമൂഹമാധ്യമങ്ങളില് പല വിധത്തിലുള്ള മറുപടികളും വിമര്ശനങ്ങളും ഉയരുകയാണ്. “പ്രകാശ് രാജ്, പക്ഷെ ഹിന്ദുക്കള് ബുദ്ധരെ മതത്തിന്റെ പേരില് കൊല്ലുകയും ബലാത്സംഗം ചെയ്യുകയും കൊള്ളയടിക്കുകയും ചെയ്തിട്ടില്ല”- എന്നതാണ് ശ്രദ്ധേയമായ ഒരു മറുപടിയും വിമര്ശനവും.
അതെ, ഇന്ത്യയിലെ ഏകദേശം 60,000 ക്ഷേത്രങ്ങള് മുഗളന്മാരുടെയും ഇസ്ലാമിസ്റ്റുകളുടെയും ആക്രമണത്തില് തകര്ക്കുകയും കൊള്ളയടിക്കുകയും ചെയ്തിട്ടുണ്ട്. ക്ഷേത്രങ്ങള് തകര്ക്കുകയും കൊള്ളയടിക്കുകയും മാത്രമല്ല, ആ ഭരണാധികാരികള് ആ പ്രദേശത്തെ ഹിന്ദുക്കളെ മുഴുവന് ഇസ്ലാമിലേക്ക് പരിവര്ത്തനം ചെയ്യാന് പല വിധ പീഢനങ്ങള്ക്കും വിധേയരാക്കി. മതം മാറാന് തയ്യാറില്ലാത്ത സ്ത്രീകളെ അതിക്രൂരമായി ബലാത്സംഗം ചെയ്തു. നളന്ദ പോലുള്ള വിശാലമായ ലൈബ്രറിയിലെ പതിനായിരക്കണക്കിന് പുസ്തകങ്ങള് മുസ്ലിം സൈനിക ജനറലായ ഭക്ത്യാര് ഖില്ജിയുടെ നേതൃത്വത്തില് കത്തിച്ചുകളഞ്ഞു. നിരവധി ഹിന്ദു പണ്ഡിതരെ കൊന്നൊടുക്കി. മഥുരയിലെ കേശവദേവ ക്ഷേത്രം, വാരണാസിയിലെ കാശി വിശ്വനാഥ ക്ഷേത്രം എന്നിവ തകര്ത്ത ഔറംഗസേബ് എന്ന മുഗള് ചക്രവര്ത്തി, ഗുജറാത്തിലെ സോമനാഥക്ഷേത്രം തകര്ത്ത മഹ്മൂദ് ഗസ്നി, ഒഡിഷയിലെ ക്ഷേത്രങ്ങളും ഹിന്ദുസ്മാരകങ്ങളും തകര്ത്ത ഫിറൂസ് ഷാ തുഗ്ലക്, ശ്രീരംഗം, മധുര, ചിദംബരം, രാമേശ്വരം എന്നീ ക്ഷേത്രങ്ങള് തകര്ത്ത അലാവുദ്ദീന് ഖില്ജിയുടെ പട്ടാള ജനറലായ മാലിക് കഫൂര്, ഹിന്ദുക്കളെ മതവെറിയുടെ പേരില് കൂട്ടക്കൊല ചെയ്യുകയും ഹിന്ദുക്കളുടെ തലയോട്ടികള് അടുക്കി ഗോപുരമുണ്ടാക്കുകയും ചെയ്ത തൈമൂര്, മഥുരയിലേയും ആഗ്രയിലേയും ക്ഷേത്രങ്ങള് കൊള്ളയടിക്കുകയും ഹിന്ദുക്കളെ കൂട്ടക്കൊല ചെയ്യുകയും ചെയ്ത അഹമ്മദ് ഷാ അബ്ദാലി എന്നീ മുസ്ലിം-മുഗള് ചക്രവര്ത്തിമാരുടെ കഥകള് എത്രയോ ഉണ്ട് പറയാന്. ബാബര് ഹിന്ദുക്കളെ കൊല്ലുന്നതിലും ഹിന്ദു സ്ത്രീകളെയും കുട്ടികളെയും തടവിലാക്കുന്നതിലും ഹരം കൊണ്ട മുഗള് ചക്രവര്ത്തിയായിരുന്നു. മലബാര് മേഖലയില് ടിപ്പുസുല്ത്താന് ഗുരുവായൂര് ക്ഷേത്രവും കോഴിക്കോട്ടെ തളിക്ഷേത്രവും ആക്രമിച്ചു. കൂര്ഗിലും ക്ഷേത്രങ്ങള് ആക്രമിച്ചു.
പക്ഷെ ഹിന്ദുമതത്തിന് മുന്പുണ്ടായിരുന്ന ബുദ്ധവിഹാരങ്ങള് ഹിന്ദുക്കള് പലപ്പോഴും ബലം പ്രയോഗിച്ച് കയ്യടക്കുകയല്ല ചെയ്തത്. ബുദ്ധമതം ഉള്ളില് നിന്നേ തകരുകയായിരുന്നു. പല ബുദ്ധ ആശയങ്ങളും അക്കാലത്തെ ഹിന്ദു മതം സ്വാംശീകരിച്ചതോടെ ബുദ്ധമതം അപ്രസക്തമായി. ആറും എട്ടും നൂറ്റാണ്ടിനിടയില് ഹിന്ദുക്കള് ബുദ്ധമതത്തിന്റെ ദര്ശനവും ആചാരങ്ങളും എന്തിന് ബുദ്ധനെ തന്നെയും ഹിന്ദുമതത്തിലേക്ക് ഉള്ച്ചേര്ക്കുകയായിരുന്നു. ഇത് അക്രമത്തിലൂടെയല്ല, ജ്ഞാനത്തിലൂടെയാണ് ഈ പരിവര്ത്തനം ഉണ്ടായത്. ബുദ്ധന്റെ ധാര്മ്മിക പാഠങ്ങള് ഹിന്ദുമതത്തിന്റെ ഭാഗമാക്കി. ബുദ്ധമതത്തിലെ ധ്യാനരീതികള് ഹിന്ദുമതം ഏറ്റെടുത്തു. ബുദ്ധനെ വിഷ്ണുവിന്റെ അവതാരമായി കണ്ടു. മാത്രമല്ല, ബുദ്ധവിഹാരങ്ങള്ക്ക് രാജാക്കന്മാരില് നിന്നും ലഭിച്ച സാമ്പത്തിക സഹായങ്ങള് നിലച്ചതോടെ അവയെല്ലാം ക്ഷയിച്ചു. ഇതോടെ ഈ ബുദ്ധവിഹാരങ്ങള് പലതും ഹിന്ദുക്കള് ക്ഷേത്രമാക്കി മാറ്റി. ബുദ്ധമതം പിന്തുടരുന്നവരെ ഹിന്ദുമതത്തിലേക്ക് ബലമായി പരിവര്ത്തനം ചെയ്തിട്ടില്ല. അതിന് വേണ്ടി ബുദ്ധമതത്തിലെ സ്ത്രീകളെ ബലാത്സംഗം ചെയ്യുകയും ഉണ്ടായിട്ടില്ല. രാഷ്ട്രീയകാരണങ്ങളാല് പലപ്പോഴും ബുദ്ധമതക്കാര് ആക്രമിക്കപ്പെട്ടിട്ടുണ്ട്. അത് പക്ഷെ ഹിന്ദുമതത്തിന്റെ പേരിലായിരുന്നില്ല.
