കോഴിക്കോട് : എം ഡി എം എ പിടികൂടിയ കേസില് ആരോപണ വിധേയനായ എസ്എച്ച്ഒയെ ഡിറ്റക്ടിംഗ് ഓഫീസറാക്കി പൊലീസ്. കരിപ്പൂരില് ആണ് വിചിത്ര നടപടി. എസ്എച്ച്ഒ എം അബ്ബാസലിയെയാണ് അന്വേഷണ ഉദ്യോഗസ്ഥനാക്കിയത്.
എസ്എച്ച്ഒ അടുത്ത കാലം വരെ താമസിച്ച വീട്ടില് നിന്നാണ് 40 ഗ്രാം എംഡിഎംഎ കഴിഞ്ഞ ദിവസം പിടികൂടിയത്. വീട്ടുടമയായ മുഹമ്മദ് കബീറിന് എസ്എച്ച്ഒയുമായി അടുത്ത ബന്ധമുണ്ടെന്ന് എസ്എസ്ബി ഇന്റലിജന്സ് എഡിജിപിക്ക് റിപ്പോര്ട്ട് നല്കിയിട്ടുണ്ട്..
ലഹരിമാഫിയ ബന്ധമുള്ള പ്രതി മുഹമ്മദ് കബീറിന്റെ വാടക വീട്ടില് നിന്ന് മാറി താമസിക്കണമെന്ന് എസ് എച്ച് ഒക്ക് ഉന്നത പൊലീസ് ഉദ്യോഗസ്ഥര് മൂന്ന് മാസം മുമ്പ് നിര്ദേശം നല്കിയിരുന്നു. എന്നാല് ഈ നിര്ദേശം അവഗണിച്ച് മാസങ്ങളോളം അബ്ബാസലി അതേ വീട്ടില് തുടര്ന്നു. ഒടുവില് കഴിഞ്ഞ ദിവസമാണ് വീടൊഴിഞ്ഞത്.
മുഹമ്മദ് കബീര് ഉള്പ്പടെ അഞ്ച് പ്രതികളെ വലയിലാക്കിയത് എസ്പിയുടെ ഡാന്സാഫ് സംഘമാണ്.
