ന്യൂദല്ഹി: ബിജെപിക്കാര് എപ്പോഴും ജി റാം, ജി റാം എന്ന് പറയുന്നത് കേള്ക്കാമെന്നും ഈ ജി റാം എന്താണെന്ന് മനസ്ലിലാകുന്നില്ലെന്നുമുള്ള രാഹുല് ഗാന്ധിയുടെ പ്രസ്താവന വിവാദത്തിലേക്ക്. അതിന്റെ അര്ത്ഥമറിയണമെങ്കില് കുഞ്ഞുനാളില് രാമായണം പഠിക്കണമായിരുന്നു എന്നാണ് സമൂഹമാധ്യമങ്ങളില് ഉയരുന്ന വിമര്ശനം. ജി റാം എന്താണെന്ന് അറിയാത്ത ആളാണോ ഭൂരിപക്ഷം ഹിന്ദുക്കളുള്ള ഭാരതത്തിന്റെ നേതാവിന്റെ കുപ്പായം തുന്നാന് ശ്രമിക്കുന്നതെന്നും സമൂഹമാധ്യമങ്ങളില് വിമര്ശനമുയരുകയാണ്.
ഒരു പൊതുപരിപാടിയില് ബിജെപിയും ആര്എസ്എസിനെയും വിമര്ശിക്കുന്നതിനിടയിലാണ് രാഹുല് ഗാന്ധി ഈ പരാമര്ശം നടത്തിയത്. രാഹുല് ഗാന്ധി ഭഗവാന് രാമനെ അധിക്ഷേപിക്കുകയാണെന്ന് വിമര്ശിച്ച് ബിജെപി രംഗത്തെത്തിയിരിക്കുകയാണ്. രാഹുല് ഗാന്ധിയുടെ വിമര്ശനം കോടിക്കണക്കായ ഹിന്ദുക്കളെ അധിക്ഷേപിക്കുന്നതിന് തുല്ല്യമാണെന്ന് ബിജെപി ഐടി സെല് മേധാവി അമിത് മാളവ്യ വിമര്ശിച്ചു.
ജയ ശ്രീറാം എന്ന് വിളിക്കുന്നതിന് പകരം ജി റാം എന്തെന്ന് അറിയില്ലെന്ന് പരിഹസിക്കുക വഴി ഹിന്ദു ദൈവങ്ങളോടുള്ള രാഹുല് ഗാന്ധിയുടെ പുച്ഛമാണ് കാണിക്കുന്നതെന്നും അമിത് മാളവ്യ കുറ്റപ്പെടുത്തി.
