ടെഹ് റാന്: ഇറാനിലെ ടെലിവിഷന് പിടിച്ചെടുത്ത് കലാപകാരികള്. ടെലിവിഷനിലൂടെ പണ്ട് ഇറാന് ഭരിച്ചിരുന്ന ഷാ കുടുംബത്തിന്റെ പിന്ഗാമിയായ റെസ പെഹ്ലവിയുടെ പ്രസംഗം സംപ്രേഷണം ചെയ്തു. യുഎസ് പ്രസിഡന്റ് ട്രംപ് അലി ഖൊമേനിയുടെ ഭരണം അട്ടിമറിച്ച ശേഷം ഇറാന്റെ ഭരണം റെസ് പെഹ്ലവിയെ ഏല്പ്പിക്കാനാണ് ആഗ്രഹിക്കുന്നത്.
ഇറാനില് നടന്ന ഏറ്റവും വലിയ അട്ടിമറിയായാണ് സര്ക്കാരിന്റെ നിയന്ത്രണത്തിലുള്ള ടിവി ചാനല് പിടിച്ചെടുത്ത് അതില് ശത്രുവായ റെസ് പെഹ്ലവിയുടെ പ്രസംഗം സംപ്രേഷണം ചെയ്ത സംഭവത്തെ വിശേഷിപ്പിക്കുന്നത്. ടെലിവിഷന് ഉപഗ്രഹ ട്രാന്സ്മിഷന് ഹാക്ക് ചെയ്ത് കലാപകാരികള് റിലേ പിടിച്ചെടുക്കുകയായിരുന്നു. അതിന് ശേഷമാണ് വിമതനേതാവായ റെസ് പെഹ്ലവിയുടെ പ്രസംഗം സംപ്രേഷണം ചെയ്തത്. അലി ഖൊമേനിയുടെ പിടി ദുര്ബലമാകുന്നതിന്റെ സൂചനയായി ഇതിനെ കണക്കാക്കുന്നവരുമുണ്ട്.
അതിനിടെ 5000 പേരെ കൊന്ന് തള്ളിയ ശേഷം ഇറാന്റെ പൊലീസ് മേധാവി അഹ്മദ് റെസ റദാന് കലാപം നടത്തുന്ന യുവാക്കള്ക്ക് കീഴടങ്ങാന് 72 മണിക്കൂര് സമയം നല്കിയിരിക്കുകയാണ്. ജീവന് വേണമെങ്കില് ഈ 72 മണിക്കൂറിനുള്ളില് കീഴടങ്ങണം. അതല്ലെങ്കില് വെടിവെച്ച് കൊല്ലും എന്നതാണ് അന്ത്യശാസനം. ഏത് അക്രമവും അടിച്ചമര്ത്താന് ഇറാനിലെ അലി ഖൊമേനി ഭരണത്തിന് കഴിയും എന്ന് ലോകത്തിനെ ബോധ്യപ്പെടുത്തുന്നതായിരുന്നു ഇറാനിലെ പൊലീസ് മേധാവിയുടെ ഈ പ്രഖ്യാപനം. മാത്രമല്ല, ഇത്രയും ദിവസം തെരുവുകള് കത്തിച്ചിട്ടും യുഎസ് അലി ഖൊമേനി ഭരണത്തിനെതിരെ ചെറുവിരല് അനക്കിയില്ല എന്നത് കലാപകാരികളുടെ ആത്മവിശ്വാസം കെടുത്തിയിട്ടുണ്ട്. ഇവരില് പലരും മരണത്തെ ഭയന്ന് കീഴടങ്ങുകയാണ്.
