ന്യൂദല്ഹി:77ാം റിപ്പബ്ലിക് ദിനാഘോഷത്തിന്റെ മുഖ്യ ആകര്ഷങ്ങളില് ഒന്നായി ഓസ്കാര് സംഗീതജേതാവായ എം.എം.കീരവാണിയുടെ വന്ദേമാതരം. 2500 കലാകാരന്മാരുമായി ചേര്ന്നാണ് കീരവാണി ‘വന്ദേമാതരം’ ഗാനം അവതരിപ്പിക്കുക.
കഴിഞ്ഞ ദിവസം സമൂഹമാധ്യമമായ എക്സില് പങ്കുവെച്ച കുറിപ്പിലാണ് തനിക്ക് കൈവന്ന അപൂര്വ്വ ഭാഗ്യത്തെക്കുറിച്ച് കീരവാണി വെളിപ്പെടുത്തിയത്.
എംഎം കീരവാണിയുടെ സമൂഹമാധ്യമ പോസ്റ്റ്:
വന്ദേമാതരത്തിന്റെ 150ാം വാര്ഷികമാണെന്നതിനാലാണ് കേന്ദ്രസാംസ്കാരിക വകുപ്പ് വീണ്ടും വന്ദേമാതരം വീണ്ടും അവതരിപ്പിക്കേണ്ടതിനെക്കുറിച്ച് ആലോചിച്ചത്. ആര്ആര്ആര് സിനിമയില് നാട്ടു നാട്ടു നാട്ടു എന്ന ഗാനം സൃഷ്ടിച്ച് ഓസ്കാര് നേടി കീരവാണിയെത്തന്നെ ആ ജോലി ഏല്പിക്കുകയായിരുന്നു.
ഈ ജനുവരി 26ലെ റിപ്പബ്ലിക് ദിനാഘോഷത്തിന് വന്ദേമാതരം അവതരിപ്പിക്കാന് കഴിയുന്നതില് സന്തോഷവും അഭിമാനവും ഉണ്ടെന്ന് കീരവാണി പറഞ്ഞു. എന്തായാലും വ്യത്യസ്തമായ ഒരു വന്ദേമാതരം കേള്ക്കാന് ആകാംക്ഷയോടെ കാത്തിരിക്കുകയാണ് ദേശസ്നേഹികളും സംഗീതപ്രേമികളും.
1997ലെ എ.ആര്. റഹ്മാന്റെ വന്ദേമാതരം
1997ല് സ്വാതന്ത്ര്യത്തിന്റെ 50ാം വാര്ഷികത്തോടനുബന്ധിച്ചാണ് ഇതിന് മുന്പ് വന്ദേമാതരം പ്രശസ്തമായ രീതിയില് പുനരവതരിപ്പിച്ചത്. 1997ല് മുംബൈയില് സ്ക്രീന് അവാര്ഡ് ചടങ്ങില് പങ്കെടുക്കാന് പോയ റഹ്മാന് അവിടെ വെച്ച് പഴയ ക്ലാസ് മേറ്റായ ഭരത് ബാലെയെ കണ്ടുമുട്ടുന്നു. അപ്പോഴാണ് സ്വാതന്ത്ര്യത്തിന്റെ 50ാം വാര്ഷികത്തിന് വന്ദേമാതരം പുനരവതരിച്ചാലോ എന്ന ഒരു ആശയം ഇവരുടെ സംഭാഷണത്തിനിടയില് ഉരുത്തിരിഞ്ഞത്.
ആയിടയ്ക്കാണ് സോണി മ്യൂസിക് എന്ന കമ്പനി ഇന്ത്യയില് പ്രവര്ത്തനം വ്യാപകമാക്കുന്നത്. ഇന്ത്യയില് നിന്നുള്ള കലാകാരന്മാരുടെ സംഗീത ആല്ബം വിപണിയില് ഇറക്കി ശ്രദ്ധനേടാനുള്ള ഒരുക്കത്തിലായിരുന്നു സോണി മ്യൂസിക്. അപ്പോഴാണ് സോണിക്ക് മുന്പില് റഹ്മാന് വന്ദേമാതരം എന്ന ആശയം മുന്നോട്ട് വെച്ചത്. സോണി മ്യൂസിക് ആ പദ്ധതിക്ക് പണം മുടക്കാന് തയ്യാറായി. അങ്ങിനെയാണ് റഹ്മാന് വന്ദേമാതരം എന്ന സംഗീത ആല്ബം സൃഷ്ടിച്ചത്.
കീരവാണിയ്ക്ക് ഓസ്കാന് നേടിക്കൊടുത്ത ആര്ആര്ആര് എന്ന സിനിമയിലെ നാട്ടു നാട്ടു നാട്ടു എന്ന ഗാനം:
