പത്തനംതിട്ട: റിമാന്ഡിലുള്ള രാഹുല് മാങ്കൂട്ടത്തില് എംഎല്എയുടെ ജാമ്യാപേക്ഷയില് തിരുവല്ല മജിസ്ട്രേറ്റ് കോടതി ശനിയാഴ്ച വിധി പറയും.
പ്രോസിക്യൂഷന്റെ ആവശ്യപ്രകാരം അടച്ചിട്ട കോടതി മുറിയിലായിരുന്നു വാദം കേട്ടത്. വിശദമായ വാദം കേട്ട കോടതി വിധി പറയുന്നത് ശനിയാഴ്ചത്തേക്കു മാറ്റുകയായിരുന്നു. ചോദ്യം ചെയ്യലില് രാഹുല് സഹകരിക്കുന്നില്ലെന്നതാണ് പ്രോസിക്യൂഷന്റെ നിലപാട്. കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ റിപ്പോര്ട്ടും പ്രതിഭാഗത്തിന്റെ വാദവും കോടതി വിലയിരുത്തി.
രാഹുല് മാങ്കൂട്ടത്തിലിന് വേണ്ടി അഡ്വ. ശാസ്തമംഗലം അജിത്ത് ഹാജരായി.
















