തിരുവനന്തപുരം:ജനാധിപത്യ മഹിളാ അസോസിയേഷന് ഭാരവാഹിത്വത്തില് നിന്ന് പി പി ദിവ്യയെ ഒഴിവാക്കിയത് സി പി എം സംസ്ഥാന നേതൃത്വത്തിന്റെ നിര്ദ്ദേശാനുസരണം. ജോയിന്റ് സെക്രട്ടറി സ്ഥാനത്ത് നിന്നാണ് ദിവ്യയെ മാറ്റിയത്.
എ ഡി എം നവീന് ബാബുവിന്റെ ആത്മഹത്യയുമായി ബന്ധപ്പെട്ട് പ്രതിസ്ഥാനത്തായതിന് പിന്നാലെ ദിവ്യയെ കണ്ണൂര് ജില്ല പഞ്ചായത്ത് പ്രസിഡന്റ് സ്ഥാനത്ത് നിന്ന് മാറ്റിയിരുന്നു.പാര്ട്ടി ജില്ലാ കമ്മിറ്റി അംഗത്വത്തില് നിന്ന് ഇരിണാവ് ബ്രാഞ്ച് കമ്മിറ്റിയിലേക്ക് നേരത്തെ തരം താഴ്ത്തുകയും ചെയ്തു.
എന്നാല് പി പി ദിവ്യയുടെ ആവശ്യപ്രകാരമാണ് ഭാരവാഹിത്വത്തില് നിന്ന് നീക്കിയതെന്നാണ് നേതാക്കള് നേരത്തേ പറഞ്ഞത്.
അതേസമയം. സി എസ് സുജാത ജനാധിപത്യ മഹിളാ അസോസിയേഷന് സംസ്ഥാന സെക്രട്ടറിയാവും. സൂസന് കോടിയെ പ്രസിഡന്റ് സ്ഥാനത്തുനിന്ന് നീക്കി. മൂന്നുതവണ പ്രസിഡന്റായതു കൊണ്ടാണ് ഒഴിവാക്കിയതെന്നാണ് വിശദീകരണം. സിപിഎം സംസ്ഥാന സമിതിയില് നിന്നും സൂസന് കോടിയെ ഒഴിവാക്കിയിരുന്നു. കരുനാഗപ്പള്ളിയിലെ വിഭാഗീയ പ്രവര്ത്തനങ്ങളുടെ കണക്കിലെടുത്താണ് നടപടി.
കെ എസ് സലീഖ പുതിയ സംസ്ഥാന പ്രസിഡന്റ് ആകും.
