കുങ്കുമപ്പൂവ് ഉണക്കിപ്പൊടിച്ചുണ്ടാക്കുന്ന കുങ്കുമം ദേവീതത്ത്വത്തിന്റെ പ്രതീകമാണ്. ചന്ദ്രന്, കുജന്, ശുക്രന്, കേതു എന്നീ ഗ്രഹങ്ങളുടെ ദശാകാലങ്ങളില് പതിവായി കുങ്കുമതിലകം ധരിക്കുന്നത് നല്ലതാണ്.
കുങ്കുമപ്പൂവു പൊടിച്ചെടുത്തുണ്ടാക്കുന്ന ശുദ്ധകുങ്കുമം കിട്ടാന് പ്റയാസമായതിനാല് ചന്ദ്രന്, കുജന്, ശുക്രന്, കേതു എന്നീ ഗ്രഹങ്ങളുടെ അധിദേവതാക്ഷേത്രങ്ങളില് കുങ്കുമാര്ച്ചനയോ കുങ്കുമാഭിഷേകമോ നടത്തി അതുകൊണ്ടും തിലകമണിയാം. കേതുര്ദശയില് ഗണപതിഹോമത്തിന്റെ കരിപ്രസാദവും രാഹുര്ദശയില് മഞ്ഞള്പ്രസാദവും നിത്യേന തൊടുന്നത് ദോഷശാന്തിക്ക് ഉതകും.
ദാരുവിഗ്രഹപ്രതിഷ്ഠയുള്ള ഭദ്രകാളീക്ഷേത്രങ്ങളിലെ ചാന്താട്ടത്തിന്റെ ചാന്തുകൊണ്ട് കുജദശാകാലത്തും ചന്ദ്രദശാകാലത്തും തിലകംതൊടാം. അകില്, ചന്ദനം, ഗുല്ഗുലു, കുങ്കുമം, കൊട്ടം,ഇരുവേലി, രാമച്ചം, ജടാമാഞ്ചി എന്നീ എട്ടു സുഗന്ധദ്രവ്യങ്ങള് ചേര്ത്തു തയ്യാറാക്കുന്ന കളഭം തൊടുന്നതും വിശേഷമാണ്.
നേര്മ്മയായ മഞ്ഞള്പൊടിയില് നാരങ്ങാനീര് കലര്ത്തി ഉണക്കിയെടുക്കുന്ന സിന്ദൂരം, കസ്തൂരി മൃഗത്തില് നിന്നു ലഭിക്കുന്ന കസ്തൂരി, പശുവില് നിന്നെടുക്കുന്ന ഗോരോചനം, പച്ചരിയും ചൗവ്വരിയും കരിച്ചെടുത്ത് ചെമ്പരത്തിപ്പൂവിന്റെ നീരുചേര്ത്ത് തിളപ്പിച്ചുകുറുക്കി തയ്യാറാക്കുന്ന ചാന്ത്; കസ്തൂരിയും കര്പ്പൂരവും അകിലും ചന്ദനവും അരച്ചു തയ്യാറാക്കുന്ന കുറിക്കൂട്ട് എന്നിവയൊക്കെ പണ്ടുമുതല്ക്കേ സൗന്ദര്യവര്ദ്ധനവിനായി സ്ത്രീകള് കുറി തൊടാന് ഉപയോഗിക്കുന്നുണ്ട്. വശീകരണത്തിലും തിലകധാരണം പതിവുണ്ടായിരുന്നു.
ജന്മഭൂമി ഓണ്ലൈന്