തിരുവനന്തപുരം: റബര് കര്ഷകര്ക്ക് പുനര് നടീലിന് ഹെക്ടറിന് 75,000 രൂപ നിരക്കില് ധനസഹായം നല്കുന്ന കേര പദ്ധതിയിലേക്ക് അപേക്ഷ ക്ഷണിച്ചു. ഉത്പാദനക്ഷമത കുറഞ്ഞ റബ്ബര് മരങ്ങള് മുറിച്ചു മാറ്റി കാലാവസ്ഥാ വ്യതിയാനത്തെ പ്രതിരോധിക്കാന് ശേഷിയുള്ളതും, ഉല്പാദനക്ഷമത കൂടിയതുമായ ഇനങ്ങളുപയോഗിച്ചുള്ള മുപ്പതിനായിരം ഹെക്ടറിലെ പുനര്നടീലാണ് സംസ്ഥാനത്ത് കേര പദ്ധതിയിലൂടെ ലക്ഷ്യമിട്ടിരിക്കുന്നത്. തിരുവനന്തപുരം, പത്തനംതിട്ട, കോട്ടയം, എറണാകുളം, മലപ്പുറം, കണ്ണൂര് ജില്ലകളിലെ കര്ഷകര്ക്കാണ് ധനസഹായം അനുവദിക്കുന്നത്. അമ്പതിനായിരത്തോളം റബ്ബര് കര്ഷകര്ക്ക് നേരിട്ട് ആനുകൂല്യം ലഭിക്കും. കൂടുതല് വിവരങ്ങള്ക്ക് 9037824036, 9037824049, എന്നീ ഫോണ് നമ്പറുകളില് ബന്ധപ്പെടണം.
















