കൊച്ചി: എനിക്ക് ഒരു വ്യക്തി ബന്ധവുമില്ലാത്ത ആളാണ് രാഹുല് മാങ്കൂട്ടത്തിലെന്നും പുരുഷ കമ്മിഷന് ബില് നിയമസഭയില് വന്നപ്പോള് അത് അവതരിപ്പിക്കാതിരിക്കാന് സമ്മര്ദ്ദം ചെലുത്തിയയാളാണ് മാങ്കൂട്ടത്തിലെന്നും രാഹുല് ഈശ്വര് പറഞ്ഞു.ബന്ധങ്ങളിലെ സ്വകാര്യനിമിഷങ്ങള് ആയുധമാക്കുന്നത് ശരിയോയെന്നും മാങ്കൂട്ടത്തിലിനെ മൂന്നാമത്തെ പരാതിയില് അറസ്റ്റു ചെയ്ത് ജയിലിലടച്ചതിനെ പരാമര്ശിച്ച് കൊച്ചിയില് പത്രസമ്മേളനത്തില് രാഹുല് ഈശ്വര് ആരാഞ്ഞു. ആദ്യം കണ്ടപ്പോള് തന്നെ റേപ്പു ചെയ്തു, മുഖത്തടിച്ചു, ഉപദ്രവിച്ചു, തുപ്പി എന്നൊക്ക പറഞ്ഞ അതിജീവിത എല്ലാം കഴിഞ്ഞ് ഒന്നിച്ചൊരു ഫ്ളാറ്റ് വാങ്ങാന് പദ്ധതിയിടുന്നത് എങ്ങിനെയെന്നും അദ്ദേഹം ആരാഞ്ഞു. ഇതു പറയുമ്പോള് എന്റെ മകനും ഭാര്യയും അമ്മയുമെല്ലാം ടെന്ഷനിലാണ്. എന്റെ അമ്മ എന്നോടു ചോദിച്ചു , വേറെ ആരെയെങ്കിലും അറസ്റ്റു ചെയ്താല് നിനക്ക് എന്തിന്റെ കേടാണ് എന്ന്. ശരിയാണ്. എന്നാല് നാളെ നമുക്ക് ഈയൊരു ഗതി വന്നാല് നമ്മള് മാത്രമേ ഉണ്ടാകൂ.
അതിജീവിതകളെല്ലാം പരാതികള് മുഖ്യമന്ത്രിക്കാണ് നല്കുന്നത്. രണ്ടാമത്തെ പരാതിക്കാരി കെപിസിസി പ്രസിഡന്റിനാണ് പരാതി നല്കിയത്. അതാണിപ്പോള് ട്രെന്ഡ്. എങ്കിലേ വാര്ത്താ പ്രാധാന്യം ലഭിക്കൂ. രാഹുല് ഈശ്വര് പറഞ്ഞു.
