മഞ്ജു വാര്യരെക്കുറിച്ചുള്ള എഴുത്തുകാരി ശാരദക്കുട്ടിയുടെ കുറിപ്പിന് മറുപടിയുമായി നടി ശോഭന. ശാരദക്കുട്ടിയുടെ വാക്കുകള് പങ്കുവച്ചൊരു ഇന്സ്റ്റഗ്രാം പേജിന് താഴെയാണ് ശോഭന മറുപടിയുമായെത്തിയത്. മഞ്ജുവിനെ പ്രശംസിച്ചു കൊണ്ടുള്ളതായിരുന്നു ശാരദക്കുട്ടിയുടെ കുറിപ്പും. എന്നാല് കുറിപ്പിലെ ‘കുടുംബമില്ലെങ്കിലും ഒന്നും നഷ്ടപ്പെടില്ല’ എന്ന പരാമര്ശത്തോടുള്ള വിയോജിപ്പ് രേഖപ്പെടുത്തുകയായിരുന്നു ശോഭന.മഞ്ജു ഒറ്റയ്ക്കല്ലെന്നും സ്നേഹിക്കാൻ ഒരു വലിയ ലോകം തന്നെ അവർക്കുണ്ടെന്നും ശോഭന പറയുന്നു.
“മഞ്ജു ജിക്ക് ഒരു കുടുംബമുണ്ട്! മിക്ക ആളുകൾക്കുമുള്ളതിനേക്കാൾ വലിയ ഒന്നല്ലേ അത്? അവൾക്ക് ഞങ്ങളുണ്ട്—അവളുടെ സുഹൃത്തുക്കളും സഹപ്രവർത്തകരും. എല്ലാത്തിലുമുപരി അവളുടെ സിനിമകളിലൂടെ അവൾ ഉണ്ടാക്കിയെടുത്ത പാരമ്പര്യമുണ്ട്… ആരാധകരുണ്ട്. അതുകൊണ്ട് നീ തകർപ്പനായി മുന്നേറൂ പെണ്ണേ… യാതൊരു തടസ്സങ്ങളുമില്ലാതെ ഒറ്റയ്ക്ക് യാത്ര തുടരൂ. കലയും നിന്റെ ബൈക്കും മാത്രം കൂട്ടിനുണ്ടാവട്ടെ. ലവ് യു ലോഡ്സ് ചേച്ചി.”
