കോഴിക്കോട്: മുഖ്യമന്ത്രിയും ശബരിമല സ്വര്ണ കൊളള കേസിലെ പ്രതി ഉണ്ണികൃഷ്ണന് പോറ്റിയും ഒരുമിച്ചുളള വീഡിയോ പങ്കുവെച്ച സംഭവത്തില് യൂത്ത് കോണ്ഗ്രസ് പ്രവര്ത്തകന്റെ ഫോണ് പൊലീസ് കസ്റ്റഡിയിലെടുത്തു. തൃക്കുറ്റിശേരി സ്വദേശി നിജിനെതിരെയാണ് ബാലുശേരി പൊലീസ് കേസെടുത്തത്.
സിപിഎം തൃക്കുറ്റിശേരി ബ്രാഞ്ച് സെക്രട്ടറി ഇപി.വിജീഷ് നല്കിയ പരാതിയിലാണ് പൊലീസ് കേസെടുത്തിരിക്കുന്നത്. മുഖ്യമന്ത്രിയും ഉണ്ണികൃഷ്ണന് പോറ്റിയും ക്ഷേത്രത്തില് തൊഴുതുനില്ക്കുന്ന എഐ വിഡിയോ പങ്കുവെച്ചെന്നാണ് പരാതി.തനിക്ക് കിട്ടിയ വീഡിയോ ഗ്രൂപ്പിലേക്ക് ഫോര്വേര്ഡ് ചെയ്യുക ആണുണ്ടായതെന്ന് നിജിന് പൊലീസിനോട് പറഞ്ഞു.
നേരത്തെ ചിത്രം പങ്കുവെച്ച കെപിസിസി രാഷ്ട്രീയ കാര്യസമിതി അംഗം എന് സുബ്രമണ്യനെതിരെ പൊലീസ് കേസെടുത്തിരുന്നു. സമൂഹത്തില് കലാപാഹ്വാനം നടത്തിയെന്ന വകുപ്പ് ചുമത്തിയായിരുന്നു ഇത്.
