‘ മുഴുവനായി മൂടുന്ന വസ്ത്രത്തിലോ സാരിയിലോ ഒക്കെയാണ് സൗന്ദര്യമുള്ളത്. അല്ലാതെ ശരീരഭാഗങ്ങൾ തുറന്നുകാണിക്കുന്നതിലല്ല ‘ എന്ന് നടൻ ശിവജി പറഞ്ഞത് ഏറെ വിവാദമായിരുന്നു. അടുത്തിടെ പൊതുവേദിയിൽ എത്തിയ നടിമാരായ സാമന്തയ്ക്കും നിധി അഗർവാളിനുമെതിരെ ആൾക്കൂട്ട അതിക്രമം നടന്നിരുന്നു. ആ സംഭവങ്ങൾ ചൂണ്ടിക്കാട്ടിയായിരുന്നു ശിവജിയുടെ വിവാദ പരാമർശം.
ഇപ്പോഴിതാ വിഷയത്തിൽ മലയാളത്തിൽ അടക്കം നിരവധി കഥാപാത്രങ്ങൾ അവതരിപ്പിച്ചിട്ടുള്ള സുമൻ പ്രതികരിച്ച് എത്തിയിരിക്കുകയാണ്. ശിവാജിയെ അനുകൂലിച്ചായിരുന്നു സുമന്റെ പ്രതികരണം. റീൽ ലൈഫും റിയൽ ലൈഫും രണ്ടാണെന്ന് മനസിലാക്കി നടിമാർ വസ്ത്രം ധരിക്കണമെന്ന് സുമൻ പറഞ്ഞു.
‘ ശിവാജി പറഞ്ഞതിനോട് ഞാൻ പൂർണ്ണമായും യോജിക്കുന്നില്ല.ചില കാര്യങ്ങളോട് എനിക്ക് എതിർപ്പുണ്ട്. അദ്ദേഹം ഉപയോഗിച്ച വാക്കുകൾ ശരിയായിരുന്നില്ല. അതിന് ഇതിനോടകം അയാൾ ക്ഷമാപണം നടത്തി കഴിഞ്ഞു.
സിൽക്ക് സ്മിത അടക്കമുള്ള നടിമാർ അവർക്ക് ലഭിക്കുന്ന കഥാപാത്രങ്ങളുടെ ഭാഗമായി സ്ക്രീനിൽ ബോൾഡായി അഭിനയിക്കുകയും ഗ്ലാമറസായി വസ്ത്രങ്ങൾ ധരിക്കുകയും ചെയ്തിട്ടുണ്ടെങ്കിലും വ്യക്തി ജീവിതത്തിൽ അവർ വസ്ത്രധാരണത്തിൽ വളരെ അധികം ശ്രദ്ധിച്ചിരുന്നു. ലളിതവും എക്സ്പോസ്ഡാക്കാത്ത തരത്തിലുമുള്ള വസ്ത്രങ്ങളാണ് അവർ ധരിക്കാറുണ്ടായിരുന്നത്.ചില വസ്ത്രങ്ങൾ എവിടെയാണ് ഉചിതമെന്നും എവിടെയല്ലെന്നും അവർക്ക് അറിയാമായിരുന്നു.സിനിമയും യഥാർത്ഥ ജീവിതവും വ്യത്യസ്തമാണെന്നും കലാകാരന്മാർ ആ വ്യത്യാസം മനസിലാക്കണമെന്നും അദ്ദേഹം പറഞ്ഞു.
സിനിമയ്ക്ക് വേണ്ടിയും ഫോട്ടോഷൂട്ടുകൾക്ക് വേണ്ടിയും ഗ്ലാമറസ് വേഷങ്ങളിൽ പ്രത്യക്ഷപ്പെടുമായിരുന്നുവെങ്കിലും സിൽക്ക് പൊതുവേദികളിൽ എവിടേയും ഗ്ലാമറസായി പ്രത്യക്ഷപ്പെട്ടതായി കാണാൻ കഴിയില്ല.അതിനാലാകും സുമൻ സിൽക്കിനെ തന്നെ ഉദാഹരണമായി പറഞ്ഞതെന്നാണ് സോഷ്യൽ മീഡിയ പറയുന്നത് .
