ലാറ്റിനമേരിക്കയുടെ വികാരമായി മാറി മഡൂറോയുടെ മകന്‍ ഗുവേര; പ്രസംഗത്തില്‍ പൊട്ടിക്കരഞ്ഞ് ഗുവേര; ട്രംപിന്റെ സാഹസത്തിന് വലിയ വില കൊടുക്കേണ്ടിവരും?

കാരക്കാസ് : നിക്കോളാസ് മഡൂറോയെയും ഭാര്യ സീലിയയെയും അമേരിക്ക ബന്ദികളാക്കി തട്ടിക്കൊണ്ടുപോയതിന് ശേഷം ചേര്‍ന്ന വെനസ്വേല അസംബ്ലിയില്‍ മഡൂറോയുടെ മകന്‍ ഗുവേര നടത്തിയ പ്രസംഗം ലാറ്റിനമേരിക്കന്‍ രാഷ്‌ട്രങ്ങളെ മുഴുവന്‍ പിടിച്ചുകുലുക്കി.

Maduro's son at the legislature:

"Dad, you made all of us int the family strong people. Here we are, fulfilling our duty until you return.

The motherland is in good hands, Dad." pic.twitter.com/6Eq7pUXzV1

— COMBATE |🇵🇷 (@upholdreality) January 5, 2026

വെനസ്വേലയില്‍ പുതിയ പ്രസിഡന്‍റായി ഡെല്‍സി റോഡ്രിഗ്സ് സ്ഥാനമേറ്റ ശേഷമായിരുന്നു വെനസ്വേല ദേശീയ അസംബ്ലിയില്‍ ലാറ്റിനമേരിക്കയുടെ വീര്യമുണര്‍ത്തുന്ന ഗുവേരയുടെ ഈ പ്രസംഗം. കണ്ണീരും വൈകാരിതകയും ട്രംപിനെതിരായ വെല്ലുവിളിയും നിറഞ്ഞ പ്രസംഗത്തിന് ലോകമെങ്ങും കയ്യടി ഉയരുകയാണ്. ഈ ട്രംപ് വിരുദ്ധ, അമേരിക്കന്‍ വിരുദ്ധ വികാരം ഭാവിയില്‍ എന്താകും എന്ന് കണ്ടറിയേണ്ടിരിക്കുന്നു. അമേരിക്കയുടെ കോടികള്‍ വിലമതിക്കുന്ന സ്റ്റെല്‍ത് യുദ്ധവിമാനങ്ങള്‍ വര്‍ഷിച്ച ബോംബുകളേക്കാള്‍ കരുത്തോടെയാണ് ഗുവേരയുടെ വാക്കുകള്‍ മുഴങ്ങിയത്.

മറ്റൊരു പരമാധികാരരാഷ്‌ട്രത്തില്‍ കടന്നുകയറി ട്രംപിന്റെ നിര്‍ദേശപ്രകാരം അമേരിക്ക നടത്തിയ കയ്യേറ്റത്തെ ഗുവേര വെല്ലുവിളിച്ചു. അമേരിക്കന്‍ പട്ടാളക്കാര്‍ മഡൂറോയെ പിടിച്ചുകൊണ്ടുപോയതിന് ശേഷം പുതുതായി ചുമതലയേറ്റ പ്രസിഡന്‍റ് സില്‍വിയ റോഡ്രിഗസിന്റെ അധ്യക്ഷയില്‍ ചേര്‍ന്ന ആദ്യ ദേശീയ അസംബ്ലി യോഗത്തില്‍ ഗുവേര പൊട്ടിക്കരഞ്ഞത് ലോകത്തി‍ന്റെ മുഴുവന്‍ കണ്ണുകളെ ഈറനണിയിച്ചു. ഇതോടെ അമേരിക്കയ്‌ക്കും ട്രംപിനും എതിരെ വെറുപ്പ് നുരഞ്ഞുപൊന്തുകയാണ്.

തന്റെ പിതാവ് നിക്കോളാസ് മഡൂറോയെയും അമ്മ സിലിയ ഫ്ളോര്‍സിനെയും ഗുവേര ഓര്‍മ്മിച്ചു. പുതിയ പ്രസിഡന്‍റ് സില്‍വിയ റോഡ്രിഗസിന് പിന്തുണ പ്രഖ്യാപിച്ച ഗുവേര വെനസ്വേലയുടെ നേതൃത്വത്തെ മുഴുവന്‍ ജനങ്ങളും പിന്തുണയ്‌ക്കണമെന്നും ആഹ്വാനം ചെയ്തു. തട്ടിക്കൊണ്ടുപോയ നേതാക്കളെ അമേരിക്ക മോചിപ്പിക്കണമെന്നും ഗുവേര ആവശ്യപ്പെട്ടപ്പോള്‍ വെനസ്വേല അസംബ്ലിയില്‍ പലരുടേയും കണ്ണുകള്‍ നിറഞ്ഞു.

തന്റെ അച്ഛനെ അഭിസംബോധന ചെയ്തുകൊണ്ടുള്ള ഗുവേരയുെട വാക്കുകളും സാകൂതം എല്ലാവരും കേട്ടിരുന്നു. “അച്ഛന്‍ ശക്തമായ ഒരു കുടുംബത്തെയാണ് വളര്‍ത്തിയത്. ഈ രാജ്യത്തിന്റെ ക്ഷേമത്തിനായി ഞങ്ങല്‍ ഓരോരുത്തരും ആവുന്നത് ചെയ്യും. അച്ഛനെ വൈകാതെ ഈ രാജ്യത്ത് വെച്ച് കാണാമെന്ന് പ്രത്യാശിക്കുന്നു. നമ്മള്‍ വൈകാതെ പരസ്പരം ആലിംഗനം ചെയ്യും. സിലിയ (അമ്മ), നിങ്ങളും വൈകാതെ ഞങ്ങളെ കാണും.വെനസ്വേല നീണാള്‍ വാഴട്ടെ, മാതൃരാജ്യം നീണാള്‍ വാഴട്ടെ”- ഗുവേര പറഞ്ഞു. നിര്‍ത്തിയപ്പോള്‍ അയാളുടെ കണ്ണുകള്‍ നിറഞ്ഞൊഴുകി.