കാലടി: ദേശീയ യുവജന ദിനത്തോടനുബന്ധിച്ച് 9 മുതല് 12 വരെ ദല്ഹിയില് ഭാരത് മണ്ഡപത്തില് നടക്കുന്ന വികസിത് ഭാരത് യങ് ലീഡേഴ്സ് ഡയലോഗില് പങ്കെടുക്കാന് ആദി ശങ്കര ഇന്സ്റ്റിറ്റ്യൂട്ട് ഓഫ് എന്ജിനീയറിങ് ആന്ഡ് ടെക്നോളജിയിലെ എന്എസ്എസ് വോളന്റീയര് ഗായത്രി ജയന് കൃഷ്ണ തെരഞ്ഞെടുക്കപ്പെട്ടു. ദേശീയ വ്യാപകമായി നടത്തപ്പെട്ട ഓണ്ലൈന് ക്വിസ് മത്സരത്തിലും പ്രബന്ധരചനാ മത്സരത്തിലും മികവ് പുലര്ത്തിയ ഗായത്രി തിരുവനന്തപുരത്തു വച്ചുനടന്ന പ്രബന്ധ അവതരണത്തിലും അഭിമുഖത്തിലും മികച്ച പ്രകടനം നടത്തിയാണ് ഈ നേട്ടത്തിലേക്ക് എത്തിയത്.
പ്രധാനമന്ത്രിയുമായി സംവദിക്കാനും അദ്ദേഹത്തിന് മുന്പില് വികസിത ഭാരതത്തെക്കുറിച്ചുള്ള കാഴ്ചപ്പാടുകള് അവതരിപ്പിക്കാനുള്ള അവസരമാണ് ഗായത്രിക്ക് കൈവന്നിരിക്കുന്നത്. കേരളത്തില് നിന്നും തെരഞ്ഞെടുക്കപ്പെട്ട 36 പേരാണ് ദേശീയയുവജന സമ്മേളനത്തില് പങ്കെടുക്കുന്നത്.
ഭാരതത്തിന്റെ മൃദുശക്തി- സാംസ്കാരിക നയതന്ത്രവും ആഗോള സ്വാധീനവും എന്ന വിഷയത്തിലാണ് ഗായത്രി പ്രധാനമന്ത്രിക്കുമുമ്പില് വിഷയാവതരണം നടത്തുന്നത്. ദല്ഹി
യിലേക്ക് പോകുന്നതിനു മുമ്പ് ഗവര്ണര് രാജേന്ദ്ര വിശ്വനാഥ് ആര്ലേക്കറുമായി സംഘം കൂടിക്കാഴ്ച നടത്തും. ആദി ശങ്കരയിലെ ഏഴ് എന്എസ്എസ് വോളന്റയര്മാര് തിരുവനന്തപുരത്ത് വച്ച് നടന്ന അവസാനഘട്ട മത്സരത്തിലേക്ക് തെരഞ്ഞെടുക്കപ്പെട്ടിരുന്നു.
തൃശ്ശൂര് മറ്റത്തൂര്കുന്ന് സ്വദേശികളായ ടി. ജയന്ന്റെയും പി.പി. വിജയശ്രീ എന്നിവരുടെ മകളാണ്. ഇലക്ട്രോണിക്സ് ആന്ഡ് ബയോമെഡിക്കല് എന്ജിനീയറിങ് വിഭാഗത്തിലെ
രണ്ടാം വര്ഷ വിദ്യാര്ത്ഥിനിയാണ്. കഴിഞ്ഞ വര്ഷവും പ്രധാനമന്ത്രിയുമായി സംവദിക്കാന് ആദിശങ്കരയിലെ വിദ്യാര്ത്ഥിനി ദേവിക. ജി തെരഞ്ഞെടുക്കപ്പെട്ടിരുന്നു.
