ഇന്നോവ ക്രിസ്റ്റ കമ്പനി പിന്വലിക്കാന് പോകുന്നു എന്ന വാര്ത്ത വന്നതോടെ കേരളത്തിലെ മന്ത്രിമാര് എന്തു ചെയ്യും എന്ന ചോദ്യവും ഉയരുകയാണ്. മുഖ്യമന്ത്രി ഉള്പ്പെടെ മന്ത്രിമാര്ക്കും മറ്റ് പ്രധാനപ്പെട്ടവര്ക്കും കേരളത്തിലെ റോഡില് സുലഭമായി നല്കിയിരുന്നത് ഇന്നോവ ക്രിസ്റ്റോ ആണ്. 18.66 ലക്ഷം മുതല് 25 ലക്ഷം വരെ വില റേഞ്ചുള്ള എംപിവി ആണ് ഇന്നോവ ക്രിസ്റ്റ.
ലിറ്ററിന് 14 കിലോമീറ്ററാണ് മൈലേജ്. യാത്രാസുഖമായിരുന്നു ഇടത് മുന്നണി മന്ത്രിമാര് ഇന്നോവക്രിസ്റ്റ തെരഞ്ഞെടുക്കാന് ഒരു കാരണം. കേരളത്തിലെ മന്ത്രിസഖാക്കള്ക്ക് വെളുത്ത ഇന്നോവ ക്രിസ്റ്റയേക്കാള് ഇഷ്ടം കറുത്ത ഇന്നോവ ക്രിസ്റ്റോ ആയിരുന്നു. പിന്വലിക്കാന് പോകുന്ന വാഹനമോഡലിന്റെ സ്പെയര്പാര്ട്സുകളും ഇനി ലഭ്യമാവില്ല എന്നതാണ് ഉടമകള് നേരിടുന്ന വെല്ലുവിളി.
ഇന്ത്യയുടെ പ്രീമിയം എംപിവിയില് എല്ലാവരും ഇഷ്ടപ്പെടുന്ന മോഡലായിരുന്നു ടൊയോട്ട ക്വാളിസ്. ടൊയോട്ട ക്വാളിസിന് പകരക്കാരനായി വന്നതാണ് ടൊയോട്ട ഇന്നോവ. ഇതുവരെ മൂന്ന് തലമുറ ഇന്നോവയാണ് ഇന്ത്യയില് എത്തിയത്. ആദ്യതലമുറ ഇന്നോവയാണ്. രണ്ടാം തലമുറ ഇന്നോവ ക്രിസ്റ്റയാണ്. മൂന്നാം തലമുറ ഹൈബ്രിഡ് സാങ്കേതിക വിദ്യയുമായി വന്ന ഇന്നോവ ഹൈക്രോസ് ആണ്.
2027 മാര്ച്ച് വരെ മാത്രമേ ഇന്നോവ ക്രിസ്റ്റയുടെ ഉല്പാദനം ഉണ്ടാകൂ. വാഹനങ്ങളില് നിന്നും കാര്ബണ് പുറന്തള്ളുന്നതിലുള്ള മാനദണ്ഡങ്ങള് സര്ക്കാര് കര്ശനമാക്കിയതാണ് ഇന്നോവ ക്രിസ്റ്റയ്ക്ക് വിലങ്ങിടുന്നത്. ഹെവി ബോഡി, ലാഡര് ഫ്രെയിം, ഡീസല് എഞ്ചിന് എന്നിവയുള്ള ഇന്നോവ ക്രിസ്റ്റ പുതിയ കര്ശനനിയന്ത്രണങ്ങള് കാരണം കമ്പനിക്ക് നഷ്ടമുണ്ടാക്കുന്നു എന്ന റിപ്പോര്ട്ട് കാരണമാണ് ഇന്നോവ ക്രിസ്റ്റയുടെ ഉല്പാദനം നിര്ത്തുന്നത്. അതിനാല് ഡീസലില് നിന്നും മാറി പെട്രോള്, ഹൈബ്രിഡ് വാഹനങ്ങളില് ടൊയോട്ട ശ്രദ്ധകേന്ദ്രീകരിക്കുന്നതിനാലാണ് ഇന്നോവ ക്രിസ്റ്റയ്ക്ക് പകരം ഇന്നോവ ഹൈക്രോസില് കൂടുതലായി ശ്രദ്ധകേന്ദ്രീകരിക്കുന്നത്.
