മേടക്കൂറ്: അശ്വതി, ഭരണി, കാര്ത്തിക (1/4)
അധ്യാപനത്തില് താല്പ്പര്യമേറും. വിദ്യ അഭ്യസിക്കാനവസരമുണ്ടാകും. വക്കീലന്മാര്ക്കും ഗുമസ്തന്മാര്ക്കും അനുകൂല സമയമാണ്. പ്രമുഖ വ്യക്തികളില്നിന്ന് സമ്മാനമോ പ്രശംസയോ ലഭിക്കും. അര്ഹിക്കുന്ന അംഗീകാരം ലഭിക്കും. മനസ്സിന് സന്തോഷകരമായ വാര്ത്ത ശ്രവിക്കും. കൃഷിയില് ആദായമുണ്ടാകും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
കലാപരമായ പ്രവര്ത്തനങ്ങളില് വരുമാനം വര്ധിക്കും. പിതാവില്നിന്ന് പലവിധ സൗഭാഗ്യങ്ങളും അനുഭവിക്കാനിടവരും. കര്മത്തില് ചില പ്രശ്നങ്ങള് ഉദയം ചെയ്യും. ആരോഗ്യം തൃപ്തികരമാണ്. ഉന്നതരായ വ്യക്തികളില്നിന്ന് സഹായങ്ങളുണ്ടാകും. സാമ്പത്തിക നില മെച്ചപ്പെടും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
മകന്റെ ജോലിക്കാര്യത്തിന് പ്രവര്ത്തിക്കുകയും വിജയിക്കുകയും ചെയ്യും. സ്ത്രീകളില്നിന്ന് അപമാനിതനാകാതെ ശ്രദ്ധിക്കണം. മനസ്സിന് ഉന്മേഷം നല്കുന്ന വാര്ത്തകള് കേള്ക്കും. ഗാര്ഹികാന്തരീക്ഷം, പൊതുവേ ഗുണകരമായിരിക്കും. പുതിയ ചില എഗ്രിമെന്റുകളില് ഒപ്പുവയ്ക്കും.
കര്ക്കടകക്കൂറ്: പുണര്തം (1/4), പൂയം, ആയില്യം
വിവാഹാലോചന വരുന്നവര്ക്ക് അതു നടക്കും. വിലപ്പെട്ട ഗൃഹോപകരണങ്ങള് വാങ്ങും. ഏജന്സി ഏര്പ്പാടുകളില് നിന്ന് ആദായം ലഭിക്കും. സ്ഥാനമാറ്റം ലഭിക്കും. ആവശ്യത്തിലധികം, സുഖഭോഗ വസ്തുക്കള് ലഭിക്കും. കുടുംബസ്വത്ത് ഭാഗിക്കും. ശത്രുപീഡകളാലും ചില്ലറരോഗങ്ങളാലും ക്ലേശമനുഭവിക്കേണ്ടി വരും.
ചിങ്ങക്കൂറ്: മകം, പൂരം, ഉത്രം (1/4)
വിദ്യാഭ്യാസരംഗത്ത് പ്രവര്ത്തിക്കുന്നവര്ക്ക് പ്രൊമോഷന് സാധ്യത തെളിഞ്ഞുവരും. രോഗികള്ക്ക് ആശ്വാസം ലഭിക്കും. വിദേശത്തുനിന്ന് സന്തോഷകരമായ ഇ-മെയില് സന്ദേശങ്ങള് ലഭിക്കുന്നതാണ്. സഹോദരങ്ങള്, മാതുലന് എന്നിവരില് നിന്ന് സഹായസഹകരണങ്ങള് ഉണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ദൂരദേശത്തേക്ക് യാത്ര പ്രതീക്ഷിക്കുന്നവര്ക്കത് സാധിക്കും. വിരുന്നുകളിലും സല്ക്കാരങ്ങളിലും പങ്ക് ചേരും. അശ്രദ്ധ മൂലം ധനമോ ജോലിയോ നഷ്ടപ്പെടാനിടയുണ്ട്. ബന്ധുക്കളും സുഹൃത്തുക്കളുമായി അഭിപ്രായ വ്യത്യാസങ്ങളുണ്ടാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
എല്ലാ രംഗങ്ങളിലും നല്ല രീതിയില് പ്രവര്ത്തിക്കുമെങ്കിലും വേണ്ടത്ര ഫലം ലഭിക്കില്ല. സര്ക്കാര് ആനുകൂല്യങ്ങള് ലഭിക്കും. പ്രമാണങ്ങളില് ഒപ്പുവയ്ക്കും. ചെറുയാത്രകള് നിശ്ചയിക്കും. കിട്ടാനുള്ള പണം നിശ്ചിത സമയത്ത് കിട്ടില്ല. അനാവശ്യ ചെലവുകള് വന്നുചേരും. കൂട്ടുകാരുമൊത്ത് ഉല്ലാസയാത്രകള് നടത്തും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഏജന്സി ഏര്പ്പാടില്നിന്ന് ലാഭമുണ്ടാകും. സംസാരത്തിലും പ്രവൃത്തിയിലും കൂടുതല് ശ്രദ്ധ ആവശ്യമാണ്. സ്ത്രീകള് മുഖേന അപമാനവും ധനനഷ്ടവും സംഭവിക്കാവുന്നതാണ്. കുടുംബകാര്യങ്ങളില് താല്പ്പര്യം കാണിക്കും. വ്യാപാരത്തില് പുരോഗതിയുണ്ടാകും. അയല്ക്കാരുമായി സൗഹൃദത്തില് കഴിയും.
ധനുക്കൂറ്: മൂലം, പൂരാടം, ഉത്രാടം (1/4)
പുണ്യക്ഷേത്രങ്ങള് സന്ദര്ശിക്കാനവസരമുണ്ടാകും. ഓഹരിവിപണിയുമായി ബന്ധപ്പെട്ടവര്ക്ക് ധനനഷ്ടം വരാനിടയുണ്ട്. മത്സര പരീക്ഷകളില് വിജയിക്കും. എല്ലാ കാര്യങ്ങളിലും നേതൃത്വ മനോഭാവം പ്രകടിപ്പിക്കും. ഉത്സവാദികളില് പങ്കെടുക്കും. പൂര്വിക സ്വത്ത് മുഖേന ധനാഗമമുണ്ടാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
കൂടുതല് അവസരങ്ങള് കണ്ടെത്തി ഇന്നു തുടരുന്ന ചില ഏര്പ്പാടുകള് വേണ്ടെന്നു വയ്ക്കും. ആത്മീയ കാര്യങ്ങളില് മറ്റും കൂടുതല് ശ്രദ്ധപതിപ്പിക്കും. കുടുംബത്തില് ഐശ്വര്യവും മനസ്സമാധാനവും നിലനില്ക്കും. വീടു സംബന്ധമായ എല്ലാ കാര്യങ്ങളിലും പുരോഗതിയുണ്ടാകും. ഉദ്യോഗത്തില് പ്രമോഷന് ലഭിക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ഭാര്യയുമായി രമ്യതയില് പ്രവര്ത്തിക്കും. യാത്രകളില് ധനവും വിലപ്പെട്ട രേഖകളും നഷ്ടപ്പെടാനിടയുണ്ട്. സുഹൃത്തുക്കള് മുഖേന സാമ്പത്തിക നേട്ടമുണ്ടാകും. ഉദരരോഗം മൂത്രാശയ രോഗം എന്നിവയ്ക്ക് സാധ്യതയുണ്ട്. പ്രണയം വിജയിക്കും. പ്രവര്ത്തന മേഖലയില് ഉന്നതിയും പരിഗണനയും ലഭിക്കുന്നതാണ്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
ആത്മവിശ്വാസക്കുറവ് അനുഭവപ്പെടും. ആരോഗ്യനില തൃപ്തികരമല്ല. ഭാര്യയുമായി പിണങ്ങി നില്ക്കേണ്ട അവസ്ഥയുണ്ടാകും. പാര്ട്ട്ണര്ഷിപ്പ് വ്യാപാരം ആരംഭിക്കും. പണമിടപാട് നടത്തിപ്പുകാര്ക്ക് നല്ല സമയമല്ല. ദേഹാരിഷ്ടങ്ങള് വന്നു ചേരും.
