കൊച്ചി : ഇന്ത്യ പാകിസ്ഥാനുമായോ, ചൈനയുമായോ യുദ്ധം ഉണ്ടായാൽ കേരളത്തിലെ ചില പാർട്ടിക്കാർ ആരുടെ ഭാഗത്താകും നിൽക്കുക എന്ന ചോദ്യമുന്നയിച്ച് നടൻ സന്തോഷ് പണ്ഡിറ്റ് . അമേരിക്ക വെനിസ്വേലയെ ആക്രമിച്ചതിന്റെ പേരിൽ സിപിഎം കേരളത്തിൽ പ്രതിഷേധ പ്രകടനങ്ങൾ നടത്തുന്ന പശ്ചാത്തലത്തിലാണ് സന്തോഷ് പണ്ഡിറ്റിന്റെ ചോദ്യം.
മറ്റു രാജ്യത്തിൽ കയറി ആക്രമിക്കുന്നത്, നിരപരാധികളെ കൊല്ലുന്നത് ശരിയല്ല എന്ന് പ്രസ്താവന ഇറക്കി ചില പാർട്ടിക്കാർ ഇവിടെ പ്രതിഷേധ പ്രകടനം നടത്തി. എന്നാൽ മുമ്പ് പല തവണ പാക്കിസ്ഥാൻ ഇന്ത്യക്ക് എതിരെ ആക്രമണങ്ങൾ അഴിച്ചു വിട്ടപ്പോൾ, എത്രയോ നിരപരാധികളെ കൊന്നപ്പോൾ, ഓപ്പറേഷൻ സിന്ദൂർ ഒക്കെ ഇവർ എങ്ങനെ ആണ് കണ്ടത്.
നിലവിൽ ബംഗ്ലാദേശിൽ മതം നോക്കി എത്രയോ ആളുകളെ കൊല്ലുന്നു. ഇപ്പോഴും തുടരുന്നു. അതിനെതിരെ ആരെങ്കിലും പ്രതിഷേധിച്ചോ? ബംഗ്ലാദേശിനു എതിരെ കേരളത്തിൽ വല്ല പ്രതിഷേധവും ഉണ്ടായോ? പലസ്തീനിലെ ഹമാസ് ആദ്യം ഇസ്രായേൽ നെ ആക്രമിച്ചു 1400 പേരെ കൊന്നപ്പോൾ കേരളത്തിൽ ഒരു പ്രതിഷേധവും ഉണ്ടായില്ല. തിരിച്ചു അവർ ആക്രമിച്ചപ്പോൾ പാലസ്തീനിലെ കുട്ടികൾക്കായി കരച്ചിലായി ‘ എന്നും സന്തോഷ് പണ്ഡിറ്റ് ഫേസ്ബുക്ക് പോസ്റ്റിൽ കുറിച്ചു.
ഫേസ്ബുക്ക് പോസ്റ്റിന്റെ പൂർണ്ണരൂപം….
പണ്ഡിറ്റിന്റെ inter national നിരീക്ഷണം
അമേരിക്ക വെനിസ്വേല എന്ന രാജ്യത്തെ ആക്രമിക്കുകയും, പിടികൂടിയ വെനസ്വേലൻ പ്രസിഡന്റ് നിക്കോളാസ് മഡൂറോ ജിയേയും ഭാര്യയേയും ന്യൂയോർക്കിലെത്തിക്കുകയും ഇപ്പോൾ അവരെ പ്രൊസിക്യൂഷൻ ചെയ്യുവാൻ ശ്രമിക്കുകയും ആണല്ലോ.
ആ രാജ്യത്ത് മയക്കു മരുന്ന് കടത്തു സർക്കാർ വക sponsored ആണെന്നും, ഏകാധിപത്യ ശൈലി അങ്ങേർക്കു ഉണ്ടെന്നും അമേരിക്കയിലെ ട്രമ്പ് ജി പറയുന്നു. നിലവിൽ പ്രസിഡന്റിനെ അമേരിക്ക പൊക്കിയപ്പോൾ വലിയൊരു വിഭാഗം ജനങ്ങൾ ആ രാജ്യത്ത് ഹാപ്പി ആണെന്നത് സത്യമാണ്. അമേരിക്ക ഇഷ്ടപെടുന്ന പുതിയ ഭരണകൂടം അവിടെ ഉടനെ വരും എന്ന് കരുതാം.(അമേരിക്ക അവിടുത്തെ എണ്ണ കണ്ടുള്ള game ആണ് കളിക്കുന്നത് എന്നും പറയുന്നു) .ഇന്ത്യൻ സർക്കാർ ഇതുവരെ അഭിപ്രായം ഒന്നും പറഞ്ഞിട്ടില്ല. സ്ഥിതിഗതികൾ വിലയിരുത്തി വരുന്നു.
എന്നാൽ അമേരിക്ക വെനസ്വേലയെ ആക്രമിച്ച വിഷയത്തിൽ കേരളത്തിൽ ചില പാർട്ടിക്കാർ പ്രതിഷേധ പ്രകടനം നടത്തി. മറ്റു രാജ്യത്തിൽ കയറി ആക്രമിക്കുന്നത്, നിരപരാധികളെ കൊല്ലുന്നത് ശരിയല്ല എന്ന് പ്രസ്താവന ഇറക്കി.. നല്ല കാര്യം ആണേ..
എന്നാൽ മുമ്പ് പല തവണ പാക്കിസ്ഥാൻ ഇന്ത്യക്ക് എതിരെ ആക്രമണങ്ങൾ അഴിച്ചു വിട്ടപ്പോൾ, എത്രയോ നിരപരാധികളെ കൊന്നപ്പോൾ, ഓപ്പറേഷൻ സിന്ദൂർ ഒക്കെ ഇവർ എങ്ങനെ ആണ് കണ്ടത്. നിലവിൽ ബംഗ്ലാദേശിൽ മതം നോക്കി എത്രയോ ആളുകളെ കൊല്ലുന്നു. ഇപ്പോഴും തുടരുന്നു. അതിനെതിരെ ആരെങ്കിലും പ്രതിഷേധിച്ചോ? ബംഗ്ലാദേശിനു എതിരെ കേരളത്തിൽ വല്ല പ്രതിഷേധവും ഉണ്ടായോ?
ഇപ്പോൾ അമേരിക്ക ചെയ്ത ഇതേ കാര്യം തന്നെയല്ലേ റഷ്യ ഉക്രൈൻ നെ ആക്രമിച്ചു ആയിര കണക്കിന് കുട്ടികൾ അടക്കം ആളുകളെ കൊന്നപ്പോൾ കേരളത്തിൽ ആരെങ്കിലും ഉക്രൈനിലെ കുട്ടികൾക്ക് വേണ്ടിയോ, പാവപ്പെട്ട നിരപരാധികളായ അവിടുത്തെ ജനതയ്ക്ക് വേണ്ടിയോ സംസാരിച്ചോ?
അഫ്ഘാനിസ്ഥാനിൽ പെൺകുട്ടികൾ 4 class വരെ പഠിച്ചാൽ മതി എന്ന് തസ്ലിബാൻ നിയമം വന്നപ്പോൾ കേരളത്തിൽ ആ കുട്ടികൾക്ക് വേണ്ടി ആരും പ്രതിഷേധിച്ചില്ല. ഉയിഗുർ ജനതക്കു എതിരെ ചൈന ശക്തമായി നിലപാട് എടുത്തപ്പോൾ ചൈനക്ക് എതിരെ കേരളത്തിൽ പ്രതിഷേധം ഇല്ല. ഇറാനിൽ സ്ത്രീ സ്വാതന്ത്ര്യ വിഷയത്തിൽ നടക്കുന്ന ആക്രമണങ്ങൾ, അവിടുത്തെ നിയമങ്ങൾ സ്ത്രീ സ്വാതന്ത്ര്യം, തുല്യനീതി, സമത്വം തിന് എതിരെ ആണ് എന്നും പറഞ്ഞു കേരളത്തിൽ ആരെങ്കിലും പ്രതിഷേധിച്ചോ?
പണ്ട് സദാം ഹുസൈൻ എണ്ണ ഏകാധിപതി, തീവ്രവാധിക്കു വേണ്ടി കേരളത്തിൽ സമരം നടത്തി.. എന്തിനു? ബിൻ ലാതനു വരെ കേരളത്തിൽ ഫാൻസ്?
പണ്ട് ചൈന ഇന്ത്യയെ ആക്രമിച്ച സമയത്ത് കേരളത്തിൽ ആ സംഭവം എങ്ങനെ ആണ് കണ്ടത്, ഏതൊക്കെ നേതാക്കൾ അന്ന് എന്തൊക്കെ ചെയ്ത് എന്ന് സമയം ഉള്ളവർ പഴയ രേഖകൾ നോക്കി മനസ്സിലാക്കുക..
പലസ്തീനിലെ ഹമാസ് ആദ്യം ഇസ്രായേൽ നെ ആക്രമിച്ചു 1400 പേരെ കൊന്നപ്പോൾ കേരളത്തിൽ ഒരു പ്രതിഷേധവും ഉണ്ടായില്ല. തിരിച്ചു അവർ ആക്രമിച്ചപ്പോൾ പാലസ്തീനിലെ കുട്ടികൾക്കായി കരച്ചിലായി. അതെ സമയം നൈജീരിയ, സിറിയ എന്നിവിടങ്ങളിൽ ആയിരം കണക്കിന് കുട്ടികളെ അടക്കം ആഭ്യന്തര കലാപത്തിൽ കൊല്ലുന്നു. അതിനെതിരെ കേരളത്തിൽ ചോദിക്കുവാനും പറയാനും ആരുമില്ല. എന്തിനു പാകിസ്ഥാൻ ഇയ്യിടെ തീവ്രവാതികൾക്കെതിരെ അവരുടെ നാട്ടിൽ ചില നടപടി എടുത്തിരുന്നു. (അമേരിക്കയുടെ ഫണ്ട് കിട്ടുവാനുള്ള തന്ത്രം ആകാം) പക്ഷെ അന്ന് സ്വന്തം നാട്ടിൽ ബോംബിട്ടു 30 ഓളം കുട്ടികൾ ആണ് കൊല്ലപ്പെട്ടത്.. ആ കുട്ടികൾക്ക് വേണ്ടി കരയുവാൻ കേരളത്തിൽ ആരുമില്ല..
(വാൽ കഷ്ണം….. ഇന്ത്യ by chance, പാകിസ്ഥാൻ ആയോ, ചൈനയുമായോ യുദ്ധം ഉണ്ടാകേണ്ടി വന്നാൽ (അങ്ങനെ സംഭവിക്കാതിരിക്കട്ടെ ), കേരളത്തിലെ ചില പാർട്ടിക്കാർ ആരുടെ ഭാഗത്താകും നിൽക്കുക എന്നതിൽ നിങ്ങളുടെ നിരീക്ഷണം എഴുതുക )
