ന്യൂദല്ഹി: ബംഗ്ലാദേശിലെ ഹിന്ദുവംശഹത്യയെക്കുറിച്ചുള്ള ചോദ്യങ്ങള്ക്ക് ഉത്തരമില്ലാതെ കോണ്ഗ്രസ് നേതാക്കള്. ഇന്നലെ ന്യൂദല്ഹിയില് പാര്ട്ടി ആസ്ഥാനത്തെ വാര്ത്താസമ്മേളനത്തിലാണ് സംഘടനാ ജനറല് സെക്രട്ടറി കെ.സി. വേണുഗോപാലും മുതിര്ന്ന നേതാവ് ജയറാം രമേശും ഇതു സംബന്ധിച്ച ചോദ്യങ്ങളോടു പ്രതികരിക്കാതിരുന്നത്. മാധ്യമ പ്രവര്ത്തകര് ചോദ്യങ്ങള് ആവര്ത്തിച്ചതോടെ ഇരുവരും വാര്ത്താസമ്മേളനം നിര്ത്തി പോകുകയും ചെയ്തു. വൈകിട്ട് ജയറാം രമേശ് ഉള്പ്പെടെയുള്ള നേതാക്കള് പങ്കെടുത്ത മറ്റൊരു വാര്ത്താസമ്മേളനത്തിലും ബംഗ്ലാദേശ് വിഷയത്തോടു നേതാക്കള് പ്രതികരിച്ചില്ല.
ഗാസയെക്കുറിച്ചു സംസാരിക്കുന്ന കോണ്ഗ്രസ്, ഹിന്ദുസമൂഹത്തെ സംബന്ധിച്ച വിഷയങ്ങളില് മൗനം പാലിക്കുന്നതിലൂടെ അവരുടെ ഹിന്ദുവിരുദ്ധ മനോഭാവം വെളിപ്പെടുകയാണെന്ന് ബിജെപി ദേശീയ വക്താവ് സുധാംശു ത്രിവേദി എംപി ആരോപിച്ചു. ബംഗ്ലാദേശില് ഹിന്ദുക്കള്ക്കെതിരേ നടക്കുന്ന ഗുരുതരമായ അതിക്രമങ്ങളെക്കുറിച്ച് മാധ്യമ പ്രവര്ത്തകര് ചോദ്യമുന്നയിച്ചപ്പോള് കെ.സി. വേണുഗോപാലും ജയറാം രമേശും എഴുന്നേറ്റ് ഓടി. ഗാസയെക്കുറിച്ച് വലിയ ആശങ്ക കാണിക്കുന്ന അതേ പാര്ട്ടിയാണിത്. ബംഗ്ലാദേശിലെ ഹിന്ദുക്കള്ക്കെതിരായ അതിക്രമങ്ങള് പരാമര്ശിച്ച നിമിഷം അവര് വാര്ത്താസമ്മേളനം നിര്ത്തി. ഹിന്ദുസമൂഹത്തോട് കോണ്ഗ്രസ് കാണിക്കുന്ന അവഹേളനത്തിന്റെ തെളിവാണിതെന്നും അദ്ദേഹം കൂട്ടിച്ചേര്ത്തു.
വിഷയത്തില് നിശ്ശബ്ദത തുടരുന്ന കോണ്ഗ്രസ് നേതാക്കള്ക്കെതിരേ രൂക്ഷ വിമര്ശനവുമായി ബിജെപി ദേശീയ വക്താവ് പ്രദീപ് ഭണ്ഡാരി രംഗത്തെത്തി. ബംഗ്ലാദേശിലെ ഹിന്ദുക്കളുടെ ദുരവസ്ഥയെക്കുറിച്ചു ചോദിച്ചപ്പോള്, ജയറാം രമേശും കെ.സി. വേണുഗോപാലും ഇറങ്ങിപ്പോയി!. ഗാസയെക്കുറിച്ചായിരുന്നു ചോദ്യമെങ്കില്, നടക്കുമായിരുന്ന പ്രതിഷേധങ്ങളും പത്രസമ്മേളനങ്ങളും പ്രസ്താവനകളും ഊഹിക്കാവുന്നതേയുള്ളെന്നും അദ്ദേഹം സാമൂഹ്യമാധ്യമങ്ങളില് കുറിച്ചു. ഇരുവരും വാര്ത്താസമ്മേളനം നിര്ത്തി പോകുന്ന വീഡിയോയും അദ്ദേഹം പങ്കുവച്ചു.
When asked about the plight of Hindus in Bangladesh, Jairam Ramesh and KC Venugopal chose to WALK away!
One can only imagine the outrage, press briefings, and statements had the question been about Gaza!#BangladeshiHindus pic.twitter.com/ElgGXV21ii
— Pradeep Bhandari(प्रदीप भंडारी)🇮🇳 (@pradip103) January 3, 2026
