കൊല്ക്കൊത്ത: ബംഗാളില് ബാബറി മസ്ജിദ് പണിയുമെന്ന പ്രഖ്യാപനവുമായി മുന്നോട്ട് പോകുന്ന പുറത്താക്കപ്പെട്ട തൃണമൂല് നേതാവ് ഹുമയൂണ് കബീറും മുഖ്യമന്ത്രി മമത ബാനര്ജിയും തമ്മിലുള്ള ബന്ധം രൂക്ഷമായ ഏറ്റുമുട്ടലിലേക്ക്. ഹുമയൂണ് കബീറിന്റെ പ്രാധാന്യം കുറയ്ക്കാനായി മകന് ഗൊലം നബി ആസാദിനെ കഴിഞ്ഞ ദിവസം മമതയുടെ പൊലീസ് അറസ്റ്റ് ചെയ്തിരുന്നു. ഹുമയൂണ് കബീറന്റെ സുരക്ഷാപൊലീസില് ഒരാളെ മകന് ഗൊലം നബി ആസാദ് മര്ദ്ദിച്ചു എന്ന ആരോപണം ഉയര്ത്തിയാണ് അറസ്റ്റ് ചെയ്തത്.
എന്നാല് ഇതിനെതിരെ ശക്തമായ പ്രതിഷേധമാര്ച്ച് നടത്തുമെന്നും ബെഹ്റാം പൂര് എന്ന നഗരത്തെ പാടെ സ്തംഭിപ്പിക്കുമെന്നും കുടുംബാംഗങ്ങളെ തൊട്ടാല് താന് ക്ഷമിക്കില്ലെന്നുമുള്ള വെല്ലുവിളി നടത്തിയിരിക്കുകയാണ് ഹുമയൂണ് കബീര്. ജനുവരി രണ്ട് വ്യാഴാഴ്ച പ്രതിഷേധ മാര്ച്ച് പ്രഖ്യാപിച്ചിരിക്കുകയാണ് ഹുമയൂണ് കബീര്.
ബംഗാളിലെ മൂര്ഷിദാബാദിലെ ബെദലംഗയില് ബാബറി മസ്ജിദ് പണിയുന്ന നീക്കവുമായി മുന്നോട്ട് പോയ ഹുമയൂണ് കബീറിനെ മമത പാര്ട്ടിയില് നിന്നും പുറത്താക്കിയിരുന്നു. ഹൂമയൂണ് കബീര് കഴിഞ്ഞ ദിവസം പുതിയ പാര്ട്ടി രൂപീകരിച്ചിരിക്കുകയാണ്. അടുത്ത ബംഗാള് തെരഞ്ഞെടുപ്പില് മുസ്ലിം ഭൂരിപക്ഷമുള്ള 90 നിയമസഭാ സീറ്റുകളില് തന്റെ പാര്ട്ടി വിജയിക്കുമെന്ന് ഹുമയൂണ് കബീര് മമത ബാനര്ജിയെ വെല്ലുവിളിക്കുകയാണ്.
ബാബറ് മസ്ജിദ് പള്ളിയുടെ നിര്മ്മാണം ഫെബ്രുവരിയില് ആരംഭിക്കുമെന്നും ആര്ക്കും പള്ളി നിര്മ്മാണം തടയാനാവില്ലെന്നുമാണ് ഹുമയൂണ് കബീര് അവകാശപ്പെടുന്നത്. 2026ല് ബംഗാളില് നിയമസഭാ തെരഞ്ഞെടുപ്പ് പ്രഖ്യാപിച്ചതോടെ മമത ബാനര്ജിക്ക് വലിയ ഭീഷണിയായി ഹുമയൂണ് കബീര്.മാറിയിരിക്കുകയാണ്.
38 കോടി രൂപ ചെലവിലാണ് ബാബറി മസ്ജിദ് പണിയാന് ഉദ്ദേശിക്കുന്നത്. പണമായി അഞ്ച് കോടി രൂപ ലഭിച്ചുകഴിഞ്ഞു. പണമായും ഓണ്ലൈന് സംഭാവനകളായും പണം ശേഖരിച്ചുവരികയാണ്. ഓണ്ലൈനായി അനുവദിക്കുന്നതിലും കൂടുതല് തുക എത്തിയതോടെ അയച്ചവരുടെ വിവരം തേടി വരികയാണ് സ്റ്റേറ്റ് ബാങ്ക് ഓഫ് ഇന്ത്യ. പള്ളിക്ക് വേണ്ടി കിട്ടുന്ന പണം എണ്ണിത്തിട്ടപ്പെടുത്തുന്നത് ഓണ്ലൈനില് ലൈവായി കാണിച്ചിരുന്നു.
