മിലാന്: ഇറ്റാലിയന് സീരി എ ഫുട്ബോളില് ജയത്തോടെ ഇന്റര് മിലാന് ചിരവൈരികളായ എസിമിലാനെ മറികടന്ന് പോയിന്റ് പട്ടികയില് മുന്നിലെത്തി. 16 റൗണ്ട് മത്സരങ്ങള് പിന്നിടുമ്പോള് ഇന്റര് മിലാന് 12 വിജയം സഹിതം 36 പോയിന്റ് നേടി. തൊട്ടുപിന്നിലുള്ള എസി മിലാന് പത്ത് വിജയങ്ങള് സഹിതം നേടിയത് 35 പോയിന്റുകള്. 34 പോയിന്റുമായി നാപ്പോളി തൊട്ടുപിന്നാലെയുണ്ട്.
ഇന്നലെ നടന്ന പോരാട്ടത്തില് കരുത്തന് ടീം അറ്റ്ലാന്റയെ അവരുടെ തട്ടകത്തില് തോല്പ്പിച്ചാണ് ഇന്റര് മിലാന് കരുത്തുകാട്ടിയത്. ടീം ക്യാപ്റ്റനും അര്ജന്റീന സ്ട്രൈക്കറുമായ ലൗത്താരോ മാര്ട്ടിനെസ് നേടിയ ഏകപക്ഷീയമായ ഒരു ഗോളിനായിരുന്നു ഇന്റര് വിജയം. മത്സരത്തിന്റെ 65-ാം മിനിറ്റിലാണ് വിജയഗോള് പിറന്നത്.
