പത്തനംതിട്ട:മലയാലപ്പുഴയില് ദേശീയ പതാകകള് അലക്ഷ്യമായി കൂട്ടിയിട്ടിരിക്കുന്നെന്ന് കാട്ടി കോണ്ഗ്രസ് പൊലീസില് പരാതി നല്കി. ദേശീയ പതാകയോട് അനാദരവ് കാട്ടിയെന്നാണ് ആരോപണം.
സംഭവം അന്വേഷിക്കുമെന്ന് ജില്ലാ കളക്ടര് പ്രേം കൃഷ്ണന് പ്രതികരിച്ചു. മലയാലപ്പുഴയിലെ ഡി.ടി.പി.സിക്ക് കീഴിലുള്ള കെട്ടിടത്തിന് പിന്വശത്താണ് ദേശീയ പതാകകള് അലക്ഷ്യമായി കൂട്ടിയിട്ടിരിക്കുന്നത്.പൊലീസ് സ്ഥലത്തെത്തി വിവരങ്ങള് ശേഖരിച്ചു.
നാലു വര്ഷത്തില് അധികമായി ദേശീയ പതാകകള് യാതൊരു മാനദണ്ഡവും പാലിക്കാതെ അലക്ഷ്യമായി കെട്ടിടത്തിന് പിന്ഭാഗത്ത് കൂട്ടിയിട്ടിരിക്കുകയാണെന്നാണ് പരാതി. കഴിഞ്ഞ ദിവസം അമിനിറ്റി സെന്ററില് യോഗത്തിന് എത്തിയ കോണ്ഗ്രസ് പ്രവര്ത്തകര് ദേശീയ പതാകകള് കൂട്ടിയിട്ടിരിക്കുന്നത് കണ്ടു. കുടുംബശ്രീയുടെ പ്രവര്ത്തികള്ക്കുവേണ്ടി ദേശീയ പതാക എത്തിച്ചെന്നാണ് പ്രാഥമിക വിവരം.സംഭവത്തില് കുടുംബശ്രീയുമായി ബന്ധപ്പെട്ട ആരും പ്രതികരിക്കാന് തയാറായിട്ടില്ല.
