ദല്ഹി: ദല്ഹിയില് കേരള സര്ക്കാറിന്റെ പ്രത്യേക പ്രതിനിധി കെവി തോമസിന്റെ പ്രവര്ത്തനങ്ങള് സംബന്ധിച്ച വിവരാവകാശ അപേക്ഷയ്ക്ക് കൃത്യമായി മറുപടി നല്കാതെ കേരള ഹൗസ് അധികൃതര്.കെവി തോമസിന്റെ നിയമനത്തിലൂടെ ഉണ്ടായ നേട്ടങ്ങള് വിവരാവകാശ നിയമപ്രകാരം അറിയിക്കാനാകില്ലെന്നാണ് മറുപടി .
എന്നാല് സാങ്കേതിക കാരണങ്ങള് പറഞ്ഞ് വിവരങ്ങള് മറച്ചുവയ്ക്കുന്നുവെന്ന് യൂത്ത് കോണ്ഗ്രസ് പരാതിപ്പെട്ടു. ഇത്തരം തസ്തികകള് കേവലം രാഷ്ട്രീയ പുനരധിവാസം മാത്രമാണെന്ന് വ്യക്തമായി.
യൂത്ത് കോണ്ഗ്രസ് മുന് ദേശീയ കോഡിനേറ്റര് വിനീത് തോമസാണ് വിവരാവകാശ നിയമപ്രകാരം അപേക്ഷ നല്കിയത്. വന് ശമ്പളത്തിലാണ് കോണ്ഗ്രസില് നിന്ന് സി പി എമ്മിലേക്ക് എത്തിയ കെ വി തോമസിനെ ദല്ഹിയില് നിയമിച്ചിരിക്കുന്നത്.
