തിരുവനന്തപുരം: മുഹമ്മദ് അഫ്സാന് ബിനു അങ്കിളാണ് സര്വ്വശക്തിപുരം ബിനു. അവന് ബിനുവിനെ വളരെ ഇഷ്ടമാണെന്ന് അഫ്സാന്റെ ഉമ്മ പറഞ്ഞു. താഴ്ചയിലേക്ക് വീഴുമ്പോഴും അവന് വിളിച്ചത് ബിനു അങ്കിളേ എന്നാണ്. ആ വിളി ബിനു കേട്ടില്ലായിരുന്നുവെങ്കില് എന്റെ മകന്റെ ജീവന് ആപത്ത് സംഭവിക്കുമായിരുന്നുവെന്ന് ഉമ്മ പറഞ്ഞു.
ക്രിസ്മസിന്റെ തലേദിവസം വൈകിട്ട് ആഞ്ചു മണിയോടെയാണ് സംഭവം. വിഴിഞ്ഞം വാര്ഡിലെ തെന്നൂര്ക്കോണം ചിറയില്കോട് ക്ഷേത്ര ഭാഗത്ത് ബിജെപി സ്ഥാനാര്ത്ഥി സര്വ്വശക്തിപുരം ബിനുവും പ്രവര്ത്തകരും സ്ക്വാഡ് പ്രവര്ത്തനത്തില് ഏര്പ്പെട്ടുകൊണ്ടിരിക്കുകയായിരുന്നു. അപ്പോഴാണ് ബിനു അങ്കിളേ എന്നൊരു നിലവിളി കേള്ക്കുന്നത്. തിരിഞ്ഞു നോക്കിയപ്പോള് ചിറയില്കോട് കുളത്തില് ഒരു കുട്ടി വീണു കിടക്കുന്നതാണ് കണ്ടത്. അഫ്സാനും മറ്റ് രണ്ട് കൂട്ടികളും സൈക്കിള് ഓടിച്ചു കളിക്കുകയായിരുന്നു. അതിനിടയിലാണ് അഫ്സാന് സൈക്കിളോടെ കുളത്തിലേക്ക് മറിഞ്ഞത്. കുട്ടിയുടെ നിലവിളി കേട്ട സര്വ്വശക്തിപുരം ബിനു മറ്റൊന്നും ആലോചിക്കാതെ ഉടന് തന്നെ കുളത്തിലേക്ക് എടുത്തു ചാടി കുട്ടിയെ രക്ഷിച്ചു. അവര് ഉടന് തന്നെ കുട്ടിയുടെ മാതാപിതാക്കളെ വിളിച്ചു വരുത്തി അടുത്തുള്ള ആശുപത്രിയില് പ്രവേശിപ്പിച്ചു. അഫ്സാന്റെ തോളെല്ലിന് പൊട്ടലുണ്ട്.
സ്വന്തം ജീവന്പോലും തൃണവല്ഗണിച്ചാണ് ബിജെപി സ്ഥാനാര്ത്ഥിയായ സര്വ്വശക്തിപുരം ബിനു കുളത്തിലേക്ക് ചാടി കുട്ടിയെ രക്ഷിച്ചത്. കഴിഞ്ഞ അഞ്ചു വര്ഷം കൗണ്സിലറായിരുന്ന വ്യക്തിയോട് ജനങ്ങള് പല പ്രാവശ്യം ആവശ്യപ്പെട്ടിരുന്നതാണ് ചിറയില്കോട് കുളത്തിന് കൈവരി നിര്മ്മിക്കണമെന്നത്. എന്നാല് യാതൊരു പരിഹാരവും കണ്ടില്ല.
ഭാഗികമായി മാത്രം വെള്ളമുള്ള കുളമാണത്. ബാക്കിഭാഗം മുഴുവന് ചെളിയും മണ്ണും നിറഞ്ഞ് കിടക്കുകയാണ്. കുളത്തിന് അരികിലെ റോഡ് തകര്ന്ന് അപകടകരമായി സ്ഥിതിയിലാണ്. കുളത്തിന് കൈവരികളില്ലാത്തതിനാല് വാഹനങ്ങള് കുളത്തിലേക്ക് വീണ് നിരവധി അപകടങ്ങള് ഇവിടെ സംഭവിച്ചിട്ടുണ്ട്.
നാട്ടുകാരുടെ നിരന്തരമായ ആവശ്യമാണ് കുളത്തിന് കൈവരി നിര്മ്മിക്കണമെന്നത്. എന്നാല് ഭരണാധികാരികള് നാട്ടുകാരുടെ ആവശ്യങ്ങള്ക്കു നേരെ കണ്ണടയ്ക്കുകയായിരുന്നു.
പത്തു വയസ്കാരനായ അഫ്സാന് വിഴിഞ്ഞം കോട്ടപ്പുറം സെന്റ് മേരീസ് എല് പി സ്കൂളിലെ നാലാം ക്ലാസ് വിദ്യാര്ത്ഥിയാണ്. വിഴിഞ്ഞം ചന്തയിലെ മത്സ്യ കച്ചവടക്കാരനായ നൗഷാദിന്റെ ഇളയ മകനാണ് മുഹമ്മദ് അഫ്സാന്. മൂത്തമകന് മുഹമ്മദ് അഫ്സല്.
കുളത്തിലേക്ക് ചാടിയ ബിനുവിന്റെ കാല്മുട്ടിന് തകരാര് സംഭവിച്ചു. ലിഗമെന്റിന് പരിക്ക് പറ്റിയ ബിനു തിരഞ്ഞെടുപ്പ് പ്രവര്ത്തനത്തിന് ഇറങ്ങാന് പറ്റാതെ വീട്ടില് വിശ്രമിക്കുകയാണ്.
ജന്മഭൂമി ഓണ്ലൈന്