കോഴിക്കോട് : വടകര ബ്ലോക്ക് പഞ്ചായത്ത് പ്രസിഡന്റ് തെരഞ്ഞെടുപ്പില് യു.ഡി എഫിന് വോട്ട് ചെയ്ത അംഗത്തെ ആര്.ജെ ഡി സസ്പെന്ഡ് ചെയ്തു.രജനി തെക്കെ തയ്യിലിനെതിരെയാണ് ജില്ലാ പ്രസിഡന്റ് എം.കെ. ഭാസ്കരന്റെ നടപടി.
പാര്ട്ടിക്ക് അവമതിപ്പുണ്ടാക്കി, പാര്ട്ടി ഏല്പ്പിച്ച ഉത്തരവാദിത്യം നിറവേറ്റുന്നതില് വീഴ്ചവരുത്തി എന്നിങ്ങനെ കാരണങ്ങള് ചൂണ്ടിക്കാട്ടി ആറ് മാസത്തേക്കാണ് സസ്പെന്ഡ് ചെയ്തത്. ശനിയാഴ്ച നടന്ന തെരഞ്ഞെടുപ്പില് യുഡി എഫ് ജനകീയ മുന്നണി സ്ഥാനാര്ത്ഥി കോട്ടയില് രാധാകൃഷ്ണന് വോട്ട് ചെയ്തിരുന്നു രജനി തെക്കെ തയ്യില്.
രണ്ട് അംഗങ്ങളുള്ള ആര്ജെഡിയുടെ ഒരു അംഗം വോട്ട് മാറി ചെയ്തതോടെ യുഡിഎഫിന് അധ്യക്ഷപദം ലഭിക്കുകയും ചെയ്തു.ഡിവിഷന് പതിനാലില് എല്ഡിഎഫിനും യുഡിഎഫിനും നേരത്തെ ഏഴ് വീതം അംഗങ്ങളാണ് ഉണ്ടായിരുന്നത്. ആര്.ജെ ഡി അംഗത്തിന്റെ വോട്ട് ലഭിച്ചതോടെ പ്രസിഡന്റായി കോണ്ഗ്രസിന്റെ കോട്ടയില് രാധാകൃഷ്ണന് വിജയിച്ചു.
