തിരുവനന്തപുരം: സാമൂഹിക ആരോഗ്യ കേന്ദ്രങ്ങളുടെ പ്രവര്ത്തനസമയം ദീര്ഘിപ്പിച്ചതില് ഡോക്ടര്മാരുടെ സംഘടനയായ കെജിഎംഒഎ പ്രതിഷേധിച്ചു. രാവിലെ 9 മണി മുതല് വൈകിട്ട് 6 മണി വരെ പ്രവര്ത്തനസമയം വര്ധിപ്പിക്കാനുള്ള സര്ക്കാര് ഉത്തരവില് ശക്തമായ പ്രതിഷേധം രേഖപ്പെടുത്തുന്നതായി കെജിഎംഒഎ വാര്ത്താ കുറിപ്പില് അറിയിച്ചു.
നിലവിലുള്ള ജീവനക്കാരുടെ എണ്ണത്തില് വര്ധന വരുത്താതെയാണ് ജീവനക്കാരില് അമിത ജോലിഭാരം അടിച്ചേല്പ്പിക്കുന്ന ഈ തീരുമാനം സര്ക്കാര് കൈക്കൊണ്ടിരിക്കുന്നതെന്ന് സംഘടന ആരോപിച്ചു. ഇത്തരമൊരു അപ്രായോഗികവും ന്യായരഹിതവുമായ നീക്കത്തെ സംഘടന ശക്തമായി എതിര്ക്കും.
സാമൂഹിക ആരോഗ്യ കേന്ദ്രങ്ങളില് ആവശ്യമായ മാനവവിഭവശേഷി ഉറപ്പാക്കാതെ ഒപി സമയം വൈകിട്ട് ആറുമണി വരെ നീട്ടുന്നത് സ്ഥാപനങ്ങളുടെ പ്രവര്ത്തനത്തെ ഗുരുതരമായി ബാധിക്കും. മൂന്ന് ഡോക്ടര്മാര് മാത്രമുള്ള കേന്ദ്രങ്ങളില് ഇത് രോഗീബാഹുല്യം, അസംതൃപ്തി, സംഘര്ഷങ്ങള് എന്നിവയ്ക്ക് വഴിവയ്ക്കും. ഗുണമേന്മയുള്ള ചികിത്സയ്ക്ക് തടസ്സമാകും. കെജിഎംഒഎ പറയുന്നു.
ജോലി ഭാരം കൂടും, ഗുണ മേന്മയെ ബാധിക്കും: പ്രവര്ത്തനസമയം ദീര്ഘിപ്പിച്ചതില് പ്രതിഷേധിച്ച് കെജിഎംഒഎ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.