തിരുവനന്തപുരം: ജനങ്ങള്ക്ക് നല്കിയ എല്ലാ വാഗ്ദാനങ്ങളും പാലിക്കുമെന്ന് തിരുവനന്തപുരം കോര്പ്പറേഷനിലെ ബിജെപിയുടെ മേയര് സ്ഥാനാര്ത്ഥി വി വി രാജേഷ്.തെരുവ് നായ പ്രശ്നമാണ് അടിയന്തരമായി പരിഹരിക്കണമെന്ന് ആഗ്രഹിക്കുന്നതെന്നും അദ്ദേഹം പറഞ്ഞു.
2036ല് ഇന്ത്യ ഒളിമ്പിക്സിന് വേദിയാകുമ്പോള് ഒരു മത്സര ഇനം തിരുവനന്തപുരത്ത് നടത്തും. കഴിഞ്ഞ അഞ്ച് വര്ഷത്തെ അഴിമതിക്കെതിരായ പോരാട്ടം ഭരണത്തിലെത്താന് സഹായിച്ചു.
എല്ലാ തെരഞ്ഞെടുപ്പുകളെയും ഗൗരവകരമായി കാണുന്നു. ശക്തമായ പ്രതിപക്ഷം ഉണ്ടായാല് മാത്രമേ ആരോഗ്യകരമായ മത്സരം ഉണ്ടാകൂവെന്നും വി വി രാജേഷ് പറഞ്ഞു.ജയിച്ചു വന്ന 50 പേരും മേയറാകാന് യോഗ്യരാണെന്നും വിവി രാജേഷ് പറഞ്ഞു.ഒരുപാട് പാര്ട്ടി പ്രവര്ത്തകരുടെയും നേതാക്കളുടെയും കൂട്ടായ ശ്രമത്തിന്റെ ഭാഗമാണ് വിജയമെന്നും അദ്ദേഹം വ്യക്തമാക്കി.45 ദിവസത്തിനുള്ളില് പ്രധാനമന്ത്രി നരേന്ദ്ര മോദി തിരുവനന്തപുരത്ത് എത്തി വികസന പദ്ധതികള് പ്രഖ്യാപിക്കുമെന്നും രാജേഷ് കൂട്ടിച്ചേര്ത്തു.
വളരെ അപ്രതീക്ഷിതമായിട്ടാണ് തീരുമാനം വന്നതെന്ന് ഡെപ്യൂട്ടി മേയര് സ്ഥാനാര്ത്ഥിയായ ആശാനാഥ് പ്രതികരിച്ചു. പാര്ട്ടി ഏല്പ്പിച്ചത് ഭാരിച്ച ഉത്തരവാദിത്വമാണ്. ജനങ്ങളില് ഒരാളായി വികസന പ്രവര്ത്തനങ്ങളുമായി മുന്നോട്ട് പോകുമെന്നും ആശാനാഥ് പറഞ്ഞു.
