കണ്ണൂര് (മയ്യില്): കേരള ഫോക്ലോര് അക്കാദമിയുടെ 2023 ലെ അവാര്ഡ് കയരളം ഒറപ്പടിയിലെ കെ.കെ. മാധവിക്ക് ലഭിച്ചു. ഓലക്കുട നിര്മ്മാണത്തിലെ മികവാണ് അവാര്ഡിന് അര്ഹയാക്കിയത്. ക്ഷേത്രങ്ങളിലും കാവുകളിലും ആചാരാനുഷ്ഠാനങ്ങളുടെ ഭാഗമായി ഉപയോഗിക്കുന്ന തൃക്കൈകുട എന്ന ഓലക്കുടയുടെ നിര്മ്മാണരംഗത്ത് കയരളം ഒറപ്പടി സ്കൂളിന് സമീപത്തെ കെ.കെ. മാധവി അമ്പത്തിയെട്ട് വര്ഷം തികക്കുമ്പോഴാണ് അവാര്ഡ് നേട്ടം.
അച്ഛന് കപ്പണപ്പറമ്പില് രാമനും അമ്മ കൂവോത്ത് കുനിമ്മല് പാറുവും ഓലക്കുടകള് നിര്മ്മിക്കുന്നത് കണ്ടാണ് മാധവിയും പാരമ്പര്യമായി തൃക്കൈകുട (ഓലക്കുട) നിര്മ്മാണ രം
ഗത്തേക്ക് കടന്നത്. ഒറപ്പടി സ്കൂളില് അഞ്ചാംതരത്തില് പഠിക്കുന്ന സമയമാണ് ഓലക്കുട നിര്മ്മാണത്തിന്റെ ബാലപാഠങ്ങള് മാധവി പഠിച്ചു തുടങ്ങിയത്. ഇപ്പോള് അറുപത്തി എട്ടാംവയസ്സിലും പാരമ്പര്യമായി ലഭിച്ച ഓലക്കുടനിര്മ്മാണം തുടരുന്നു.
മുന് കാലങ്ങളില് ആചാരക്കുട എന്നതിനുപുറമെ സമ്പന്ന തറവാട്ടുവീടുകളില് ഉള്ളവര്ക്ക് ഓലക്കുടയും കന്നുകാലി പൂട്ടുന്നവര്ക്ക് തലക്കുടയും കര്ഷക തൊഴിലാളികള്ക്ക് നാട്ടി
ക്കുടകളും ഉപയോഗിക്കുമായിരുന്നെങ്കിലും ഇന്ന് ആചാര അനുഷ്ഠാനങ്ങളുടെ ഭാഗമായും ഓണക്കാലത്ത് മാവേലി വേഷത്തിനുമാണ് ഓലക്കുട ഉപയോഗിച്ചു വരുന്നത്.
ഓട, മുള, പനയോല തുടങ്ങിയ വസ്തുക്കളുടെ ലഭ്യതക്കുറവ് ഈ മേഖലയെ കാര്യമായി ബാധിക്കുന്നുണ്ടെന്ന് മാധവി പറയുന്നു. പുതിയ തലമുറയില്പെട്ടവര് ഈ രംഗത്തേക്ക് കട
ന്നു വരാന് വേണ്ടി കേരള ഗണക കണിശ സഭ കണ്ണൂരില് സംഘടിപ്പിച്ച ഓലക്കുട നിര്മ്മാണ പരിശീലനക്കളരിയില് വെച്ച് നിരവധി പേര്ക്ക് പഴമയുടെ പാരമ്പര്യകല പകര്ന്നു നല്കാനും മാധവിക്ക് സാധിച്ചു.
2019 ല് തൃശൂരില് വെച്ച് നാട്ടുകലാകാരക്കൂട്ടം ‘നാട്ടുപച്ച’ അവാര്ഡ് നല്കി ആദരിച്ചിട്ടുണ്ട്. ഫോക്ലോര് ദിനാചരണത്തിന്റെ ഭാഗമായി മലയാളത്തിലെ സഞ്ചരിക്കുന്ന തിയേറ്റര്
ഗ്രൂപ്പായ മയ്യില് അഥീന നാടക നാട്ടറിവ് വീട് കെ.കെ. മാധവിയെ ആദരിച്ചിട്ടുണ്ട്. പരേതനായ സി. രാഘവനാണ് ഭര്ത്താവ്. മക്കള്: കെ.കെ സജേഷ്, കെ.കെ. നിമിഷ.
