സിഡ്നി: ആഷസ് പരമ്പരയില് വലിയ നാണക്കേടിലേക്ക് പോവുകയാണ് ഇംഗ്ലണ്ട്. കളിച്ച മൂന്നു ടെസ്റ്റുകളില് അമ്പേ പരാജയപ്പെട്ട ഇംഗ്ലണ്ടിന് പരമ്പര നഷ്ടപ്പെട്ടിരിക്കുകയാണ്. ഓസ്ട്രേലിയയാകട്ടെ, പരമ്പര നിലനിര്ത്തി.
തികച്ചുനിരുത്തരവാദപരമായി കളിച്ചതും ടീമിന്റെ അച്ചടക്കമില്ലായ്മയുമാണ് പരാജയത്തിനു കാരണമെന്ന് ആരോപണം. ബിബിസിയാണ് പുതിയ റിപ്പോര്ട്ട് പുറത്തുവിട്ടിരിക്കുന്നത്. രണ്ടാം ടെസ്റ്റിനും മൂന്നാം ടെസ്റ്റിനുമിടയിലെ 9 ദിവസത്തെ ഇടവേളയില് ഇംഗ്ലണ്ട് താരങ്ങള് 6 ദിവസവും ഹോട്ടലില് മദ്യപാനത്തിലായിരുന്നുവെന്ന് ബിബിസിയുടെ റിപ്പോര്ട്ടില് പറയുന്നു.
രണ്ടാം ടെസ്റ്റ് അവസാനിച്ച ഡിസംബര് 7 മുതല് മൂന്നാം ടെസ്റ്റ് തുടങ്ങിയ ഡിസംബര് 17വരെ 9 ദിവസത്തെ ഇടവേളയായിരുന്നു ഉണ്ടായിരുന്നത്. ഈ സമയം, ഇംഗ്ലണ്ട് ടീമില ചില താരങ്ങള് ബ്രിസ്ബെയ്നിലെ ഹോട്ടലില്ത്തന്നെ തുടര്ന്നു. ബ്രിസ്ബെയ്നില് കനത്ത പരാജയമാണ് ഇംഗ്ലീഷ് ടീം ഏറ്റുവാങ്ങിയത്. ഇതേത്തുടര്ന്ന് തുടര്ച്ചയായ ദിവസങ്ങളില് ടീം അംഗങ്ങള് മദ്യപിച്ചു. ടീം താമസിച്ച നൂസ റിസോര്ട്ടിന് സമീപത്തുളള റോഡരികില് ഇരുന്ന് താരങ്ങള് അലമ്പുണ്ടാക്കിയെന്നുമാണ് റിപ്പോര്ട്ട്. പരിശീലനത്തിനെത്താതെ ഹോട്ടലില് തുടര്ന്ന താരങ്ങളുടെ പ്രവര്ത്തിയെ പരിശീലകന് റോബി കീ ന്യായീകരിച്ചു. ഇംഗ്ലണ്ട് താരങ്ങള് മദ്യപിച്ചു എന്ന ആരോപണം അന്വേഷിക്കണമെന്നും അദ്ദേഹം ആവശ്യപ്പെട്ടു. കളിക്കാര് അമിതമായി മദ്യപിച്ചുവെന്ന് ആളുകള് പറയുന്നു. അതേക്കുറിച്ച് തീര്ച്ചയായും അന്വേഷിക്കും. വ്യക്തിപരമായി താന് മദ്യപിക്കാറില്ലെന്നും ടീം അംഗങ്ങള് അമിതമായി മദ്യപിക്കുന്നത് ക്രിക്കറ്റ് ടീമിനെ സംബന്ധിച്ച് ശരിയായ കാര്യമല്ല- റോബ് കീ പറഞ്ഞു.
ആഷസ് പരമ്പരയിലെ ആദ്യ മൂന്ന് ടെസ്റ്റുകളിലും സമ്പൂര്ണ തോല്വി വഴങ്ങിയ ഇംഗ്ലണ്ട് അഞ്ച് മത്സര പരമ്പരയില് 0-3ന് പിന്നിലാണിപ്പോള്. പരമ്പരയിലെ നാലാം ടെസ്റ്റ് 26ന് മെല്ബണില് ആരംഭിക്കും. ബോക്സിങ് ടെസ്റ്റ് എന്നറിയപ്പെടുന്ന ഈ ടെസ്റ്റില് തിരിച്ചെത്താനാകുമെന്നാണ് ടീമിന്റെ പ്രതീക്ഷ.
