തിരുവനന്തപുരം: കേരളത്തില് എസ്ഐആര് കരട് പട്ടിക പ്രസിദ്ധീകരിച്ചു. വോട്ടര് പട്ടികയില് നിന്ന് 24, 08,503 പേരെ ഒഴിവാക്കി. ഫോം പൂരിപ്പിച്ച് നല്കിയത് 2,54,42,352 പേരാണ്. 1,23,83,341 പുരുഷന്മാരും 1,30,58,731 സ്ത്രീകളും പട്ടികയില് ഇടംപിടിച്ചു. കരട് പട്ടികയില് 280 ട്രാന്സ്ജെന്ഡര്മാരും ഉണ്ട് voters.eci.gov.in എന്ന വെബ്സൈറ്റില് പട്ടിക പരിശോധിക്കാം.
ഇന്ന് മുതല് ജനുവരി 22 വരെ പരാതികള് സമര്പ്പിക്കാം. അന്തിമ വോട്ടര് പട്ടിക ഫെബ്രുവരി 21ന് പ്രസിദ്ധീകരിക്കും.പരാതി പരിഗണിക്കാന് ആയിരത്തോളം ഉദ്യോഗസ്ഥരെ നിയോഗിച്ചിട്ടുണ്ടെന്ന് മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് വാര്ത്താസമ്മേളനത്തില് അറിയിച്ചു. ഒഴിവാക്കിയവരില് പേര് ചേര്ക്കേണ്ടവര് ഫോം പൂരിപ്പിച്ച് നല്കണമെന്നും അദ്ദേഹം അറിയിച്ചു.
സ്ഥലംമാറിയതോ മരിച്ചു പോയതോ ഇരട്ടിപ്പ് ഉള്ളതോ ആയ വോട്ടര് മാരുടെ പട്ടികയും വെബ്സൈറ്റില് അപ്ലോഡ് ചെയ്യും. കേരളത്തിന് ഒപ്പം മധ്യപ്രദേശ്, ഛത്തീസ്ഗഢ്, ആന്ഡമാന് & നിക്കോബാര് എന്നിവിടങ്ങളിലെ പട്ടികയും പ്രസിദ്ധീകരിക്കും.
