പത്തനംതിട്ട: ദ്വാരപാലക പാളികളിലെ സ്വര്ണം വാങ്ങിയതിന്റെ വില ഇനത്തില് റോധം ജൂവലറി ഉടമ ഗോവര്ദ്ധന് 2.70 ലക്ഷം രൂപയ്ക്ക് മാളികപ്പുറത്തമ്മയ്ക്ക് 2020-ല് സമര്പ്പിച്ച മാലയുടെ വിവരങ്ങള് യഥാസമയം ദേവസ്വം മഹസറില് രേഖപ്പെടുത്തിയില്ല. സ്വര്ണക്കൊള്ള വിവാദമായശേഷം മാത്രമാണ് മഹസറില് ഇത് ഉള്പ്പെടുത്തിയതെന്നാണ് സൂചന. ഇക്കാര്യത്തില് വിശദമായ അന്വേഷണം നടത്തേണ്ടതുണ്ട്.
ഗോവര്ദ്ധന് സ്വര്ണ വിലയായി ദേവസ്വം എക്സിക്യൂട്ടീവ് ഓഫീസറുടെ പേരില് നല്കിയ 9.95 ലക്ഷത്തിന്റെ അഞ്ച് ഡിഡികളുടെ വിവരം ദേവസ്വം രേഖകളില് ഉണ്ടോ എന്നതിലും സംശയം ബാക്കി. ഈ പണം ചെല്ലാന് എഴുതി ബാങ്കില് അടച്ചിട്ടുണ്ടൊ എന്നും ഒന്നാം നമ്പര് രസീത് എഴുതി ഗോവര്ദ്ധന് നല്കിയിട്ടുണ്ടോ എന്നും അറിയേണ്ടതുണ്ട്. ഏത് ഇനത്തിലാണ് പണം വകകൊള്ളിച്ചത് എന്നതും പരിശോധിക്കേണ്ടതാണ്. ശേഷിച്ച പണം പോറ്റി വശം ബോര്ഡിന് നല്കിയതായാണ് ഗോവര്ദ്ധന് പറയുന്നത്. അത് ദേവസ്വത്തില് അടച്ചതിന് രസീതുണ്ടൊ എന്നും കണ്ടത്തേണ്ടതുണ്ട്.
ശബരിമല സ്വര്ണ്ണക്കൊള്ള: ഗോവര്ദ്ധന് സമര്പ്പിച്ച മാല മഹസറില് ചേര്ത്തില്ല
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.