കോട്ടയം: തദേശ സ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ട ജനപ്രതിനിധികളുടെ സത്യപ്രതിജ്ഞ ചടങ്ങ് ഞായറാഴ്ച നടത്തുന്നതിനെതിരെ ന്യൂനപക്ഷമോര്ച്ച സംസ്ഥാന അധ്യക്ഷന് സുമിത്ത് ജോര്ജ്.തെരഞ്ഞെടുപ്പ് ഫലം വന്ന് ഒരാഴ്ചയോളം സമയം ഉണ്ടായിരുന്നിട്ടും സത്യപ്രതിജ്ഞ നടത്തിയില്ല.ക്രിസ്ത്യാനികളുടെ പ്രധാനപ്പെട്ട ദിവസവും പൊതു അവധി ദിവസവുമായ ഞായറാഴ്ച തന്നെ സത്യപ്രതിജ്ഞ നടത്തണമെന്ന് സംസ്ഥാന സര്ക്കാര് വാശിപിടിക്കുന്നത് ആര്ക്കു വേണ്ടിയാണെന്ന് അദ്ദേഹം ചോദിച്ചു.
കേരളത്തിലെ ക്രൈസ്തവര്ക്കെതിരെ പിണറായി സര്ക്കാരില് നിന്നും തുടര്ച്ചയായി ഉണ്ടായിക്കൊണ്ടിരിക്കുന്ന അവഹേളനങ്ങളുടെ ബാക്കിപത്രമായി ഇതിനെയും കാണണം.
ക്രിസ്ത്യന് സമൂഹം വിശുദ്ധമായി ആചരിക്കുന്ന ഞായറാഴ്ച, വിശ്വാസികള്ക്ക് പരിശുദ്ധ കുര്ബാന നിഷേധിക്കപ്പെടുന്നു.മാത്രമല്ല സണ്ഡേ സ്കൂള് അധ്യാപകരായ പലരും ജനപ്രതിനിധികളായി തിരഞ്ഞെടുക്കപ്പെട്ടിട്ടുള്ളതിനാല് അവര്ക്ക് അന്നേദിവസം സത്യപ്രതിജ്ഞ ചടങ്ങില് പങ്കെടുക്കാന് പറ്റില്ല എന്ന് അറിഞ്ഞുകൊണ്ട് തന്നെ പിണറായി സര്ക്കാര് ഇങ്ങനെയൊരു തീരുമാനം കൈക്കൊണ്ടത് പുനഃപരിശോധിക്കണമെന്ന് സുമിത്ത് ജോര്ജ് ആവശ്യപ്പെട്ടു.
