തിരുവനന്തപുരം: അവധിക്കാലത്ത് ക്ലാസുകള് നടത്താന് അനുവദിക്കില്ലെന്ന് വിദ്യാഭ്യാസ മന്ത്രി വി ശിവന്കുട്ടി വ്യക്തമാക്കി. അവധിക്കാലം കുട്ടികള്ക്ക് ആഘോഷിക്കാനുള്ളതാണ്. മാനസിക സമ്മര്ദ്ദങ്ങള് ഇല്ലാതെ ആസ്വദിക്കാനുമുള്ള സമയം. അവധിക്കാല ക്ളാസുകള് സംബന്ധിച്ച് നിരവധി പരാതികള് ലഭിച്ചിരുന്നു. ഇനി അത്തരം ക്ലാസുകള് അനുവദിക്കില്ലെന്ന് മന്ത്രി പറഞ്ഞു. സംസ്ഥാന സ്കൂള് കലോത്സവത്തിന്റെ ഷെഡ്യൂള് പ്രകാശന ചടങ്ങിലായിരുന്നു മന്ത്രി ഇങ്ങനെ പറഞ്ഞത്.
കേരള സ്കൂള് കലോത്സവത്തിന്റെ ഷെഡ്യൂള് പ്രകാശനം ശിവന്കുട്ടിയും റവന്യു മന്ത്രി കെ രാജനും ചേര്ന്ന് നിര്വഹിച്ചു. ജനുവരി 14 മുതല് 18 വരെ തൃശൂരിലാകും കലോത്സവം അരങ്ങേറുക. തേക്കിന്കാട് മൈതാനമായിരിക്കും പ്രധാനവേദി. ജനുവരി 14 ന് രാവിലെ തേക്കിന്ക്കാട് മൈതാനത്ത് മുഖ്യമന്ത്രി പിണറായി വിജയന് മേളയ്ക്ക് തിരിതെളിക്കും. ജനുവരി 18 ന് സമാപന സമ്മേളനത്തില് മുഖ്യാതിഥിയായി മോഹന്ലാല് പങ്കെടുക്കും.
കുട്ടികള് അവധി ആഘോഷിക്കട്ടെ, ക്ലാസുകള് നടത്താന് അനുവദിക്കില്ലെന്ന് വിദ്യാഭ്യാസ മന്ത്രി
സ്കൂള്കലോത്സവം ജനുവരി 14 മുതല് 18 വരെ തൃശൂരില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.