മലപ്പുറം: തിരൂരില് പണം വാങ്ങി ലേണേഴ്സ് ടെസ്റ്റ് ജയിപ്പിച്ചതായി വിജിലന്സ് കണ്ടെത്തല്. വിദേശ രാജ്യങ്ങളില് ലൈസന്സ് ഉള്ളവര്ക്ക് നടത്തുന്ന പരീക്ഷയിലാണ് തട്ടിപ്പ്. ചോദ്യങ്ങള് കഠിനമാണെന്ന് തെറ്റിദ്ധരിപ്പിച്ചാണ് തട്ടിപ്പ് നടത്തിയത്.
വിദേശരാജ്യങ്ങളില് ഡ്രൈവിംഗ് ലൈസന്സ് ഉള്ളവര്ക്ക് ഇന്ത്യയില് ഡ്രൈവിംഗ് ലൈസന്സ് ലഭിക്കണമെങ്കില് റോഡ് ടെസ്റ്റ് പാസാകേണ്ടതില്ല. ലേണേഴ്സ് ലൈസന്സ് നേടിയാല് മതി . ഈ പരീക്ഷ പാസാകണമെങ്കില് വലിയ ബുദ്ധിമുട്ടാണെന്ന് തെറ്റിദ്ധരിപ്പിച്ച് ഏജന്റുമാര് ആര്ടിഒ ഓഫീസിലേക്ക് ലൈസന്സ് ആവശ്യമുള്ള ആളുകളെ എത്തിക്കുന്നു. ഇവരില് നിന്ന് പണം വാങ്ങി ലേണേഴ്സ് ലൈസന്സ് നല്കുന്നു എന്നാണ് വിവരം.
5000 രൂപ മുതലാണ് കൈക്കൂലി വാങ്ങുന്നത്. ലളിതമായ പരീക്ഷ കഠിനമാണ് എന്ന് തെറ്റിദ്ധരിപ്പിച്ചാണ് തട്ടിപ്പ് നടത്തുന്നത്.
